Reykjastræti 7, 101

Albert Bjarni og Lind fasteignasala kynna til sölu glæsilega 2-3ja herb. rúmgóða útsýnisíbúð við Austurhöfn sem er afar vönduð bygging við hjarta miðbæjarins í Reykjavíkurhöfn. Sérmerkt stæði í bílakjallara með grunntengingu fyrir hleðslustöð. Einstök íbúð á einstökum stað í næsta nágrenni við Hörpu.

Íbúðin er á fjórðu hæð og nýtur útsýnis til miðbæjar og fallegan inngarð Austurhafnar. Íbúðin er skráð 130,5 og inní þeirri tölu er geymsla í sameign. Fyrir framan íbúð er lokað rými sem nýtist sem aukaforstofa og er ekki í skráðum fm. Komið er inn í rúmgóða forstofu með miklu skápaplássi þaðan er gengið inn í alrými með stóru eldhúsi með eldunareyju. Útgengt er á tvennar svalir sem snúa í austur með útsýni til Hörpu og vestursvalir í inngarð. Baðherbergi með sturtu, baðkari og rými fyrir þvottavél og þurrkara. Svefnherbergi er rúmgott og er með fataherbergi, hægt að breyta í svefnherbergi. Sérsmíðaðar innréttingar með þykkari spón frá Gili Creations eru í eldhúsi, baðherbergjum og fataskápum. Kvarts borðplötur við eldhúsvask, en borð yfir eldhúseyju er klætt marmaraflísum. Afar vönduð tæki í eldhúsi frá Miele og Liebherr. Spansuðuhelluborð, vifta í helluborði, ofn, innbyggð uppþvottavél, ísskápur, frystir, vaskur og blöndunartæki. Snjallheimiliskerfi til að stýra lýsingu heimilisins, hitastigi, gluggatjöldum, sjónvarpi o.fl.
Íbúðin hefur aðgang að bílstæði merkt. 99 í bílageymslu sem ekið er í frá höfninni einnig er hægt að keyra í bílageymslu úr innkeyrslu Hörpu og einnig frá Hafnartorgi.
Íbúðirnar eru frábærlega staðsettar í nálægð við menningu, sögu, verslun og þjónustu. Lúxus fasteignir í hjarta Reykjavíkur með iðandi mannlíf allt um kring.