Dalbrekka 23, 200

Opið hús: Dalbrekka 23, þriðjudaginn 18. ágúst frá kl. 17:30-18:00 n.k. Allir áhugasamir velkomnir.

SKIPTI MÖGULEG Á MINNI EIGN.

Skemmtileg 187,8 fm. íbúð með sérinngangi, sérbílastæði og jeppabílskúr á þessum gróna stað misvæðis í Kópavogi.  Íbúðin er talin 148,5 fm. og bílskúrinn 39,3.  Gengið er beint inn af jarðhæð Dalbrekkumegin, en íbúðin er á 2. hæð frá Nýbýlavegi séð.  Lofthæðin er 3,2 metrar sem gefur íbúðinni skemmtilegan "New York Loft" stíl, en húsnæðið var upphaflega byggt sem atvinnuhúsnæði, en breytt í samþykkta íbúð árið 2014.  Stórar svalir til vesturs og norðurs með góðu útsýni yfir Fossvoginn, Fossvogsdalinn og Esjunnar. 

Á sömu hæð er önnur samskonar stór íbúð, en á hæðinni fyrir ofan eru tvær minni íbúðir á inndreginni hæð, allar með sérinngangi.  Á jarðhæð Nýbýlavegsmegin er atvinnuhúsnæði.

Nánari lýsing:  Aðkoma að eigninni er Dalbrekkumegin.  Steypt aðkoma að íbúðinni og bílskúrnum.  Tveir inngangar eru í íbúðina og stór "jeppahurð" í bílskúrinn er 2,65 metrar á hæð. 

Komið er á dúklagða forstofu.  Þvottahús með innréttingu er á vinstri hönd, en innangengt er í bílskúrinn úr forstofu á þá hægri. Ný útihurð á öðrum inngangi sem nýlega var bætt við.  Íbúðin er öll mjög opin, samliggjandi hol, stofa, borðstofa og eldhús með flotuðu gólfi og mikilli lofthæð.  Gott frásog er frá snyrtingu og sturtu, sem og stórri geymslu með steinteppi sem einnig getur nýst sem þriðja svefnherbergið.  Heil gluggahlið til norðurs af stofunni og þar er útgangur á miklar svalir sem ná meðfram allri hliðinni.  Rekkverk á svölum er nýtt.  Hjónaherbergið er með plastparketi á gólfi og þar er sér-baðherbergi hjóna með sturtuklefa innaf.  Rúmgott svefnherbergi með plastparketi innaf borðstofu.   Eldhúsið er með viðarinnréttingu og eyju og lögn fyrir uppvþottavél, afar opið og rúmgott.

Bílskúrinn er um 40 fm. með sömu 3,2 metra lofthæðinni og íbúðin, nýrri innkeyrsluhurð með innfelldri gönguhurð.  Í skúrnum er vatn, hiti og rafmagn og geymsla með hillum innaf.  Sérbílastæði fylgja við aðkomu að eigninni.  Búið er að koma fyrir léttum sólpalli til suðurs fyrir framan bílskúr, sem auðvelt er að fjarlægja.

Eign sem býður uppá mikla möguleika á þessum fína stað, miðsvæðis á höfuðborgarsvæðinu.  Stutt í verslanir og þjónustu og allar helstu umferðaræðar.

Seljandi er tilbúinn að skoða skipti á minni fasteign.

Nánari upplýsingar veitir Björn Þorri Viktorsson hrl. og lgf. bjorn@midborg.is eða í síma 894-7070.