Grjótagata 12, 101

RE/MAX / Júlían J. K. Jóhannsson aðstoðarmaður fasteignasala (sími 823 2641 & julian@remax.is) og Hörður Björnsson Lgf. kynna: Einstakt og sögufrægt 5 herbergja 113,4 fm einbýlishús auk 25,4 fm vinnustofu / geymslu samtals 138,6 fm á sögulegum stað í Grjótaþorpinu, 101 Reykjavík á 262 fm eignarlóð. Húsið er byggt árið 1895 en á lóðinni stendur auk þess 25 fm vinnustofa byggð 1999. Húsinu vel viðhaldið og passað hefur verið upp á að stíll hússins haldi sér. Þrjú til fjögur svefnherbergi eru í húsinu í dag, tvö baðherbergi, þvottahús auk rúmgóðs eldhúss og stofu með beinu útgengi á suður svalir. 

Húsið er þrílyft timburhús sem samanstendur af hlöðnum kjallara og timburhúsi ofan á því. Gangið er inn í forstofu með skápum og fatahengi. Þaðan liggur stigi upp á miðhæð og niður í kjallara. Á miðhæð er baðherbergi með salerni og handlaug, rúmgott eldhús og stofa þaðan sem gegnið er beint út á suður svalir og þaðan niður í garð. Upp í risi eru tvö svefnherbergi undir súð og setustofa á milli þeirra. Í kjallara er þvottahús, rúmgott svefnherbergi, setustofa og gott baðherbergi með sturtu, salerni, innréttingu og handlaug. 

3D - SKOÐAÐU HÚSIÐ Í ÞRÍVÍDDARUPPTÖKU HÉR -  3D

FÁÐU SENT SÖLUYIRLIT YFIR EIGNINA HÉR.

** Einstakt tækifæri til að eignast sögufrægt hús á frábærum stað í Grjótaþorpinu. 

** Í húsinu bjó á árunum 1976-1995 kona sem allir í miðbænum könnuðust við, nefnilega “amman í Grjótaþorpinu”. Laufey Jakobsdóttir var fædd árið 1915 á Seyðisfirði en bjó lengst af í Reykjavík með manni sínum og eignuðust þau átta börn. Laufey var eindreginn málsvari lítilmagnans og lét mikið til sín taka í félagsmálum. Hún var einn af stofnendum Kvennalistans, heiðursfélagi í Dýraverndunarfélagi Íslands, sinnti málefnum aldraðra og var þekkt fyrir störf sín í þágu unglinganna í miðborg Reykjavíkur en þaðan er viðurnefnið komið “amman í Grjótaþorpinu”. Hún sá m.a. til þess að opnað yrði almenningsklósett í Grjótaþorpinu og vann þar kauplaust fram á nætur til þess að unglingarnir sem sóttu í skemmtanalífið í miðbænum hefðu í öruggt skjól að leita. Þess má geta að Laufeyju bregður einmitt fyrir í Krókódílamanninum, texta Megasar. Þar kemur bjargvætturinn Laufey ungri stúlku til hjálpar og bjargar henni úr klóm krókódílamannsins. Amman í Grjótaþorpinu var þjóðþekkt persóna sem borin var mikil virðing fyrir. Laufey var sæmd riddarakrossi hinnar íslensku fálkaorðu 17. júní 1996.


Nánari lýsing:
Gengið er inn í forstofu á stigapalli með fatahengi og skápum. 

Miðhæð:
Upp fáein þrep frá forstofu er miðhæð. 
Strax á hægri hönd er gestasalerni með handlaug, innréttingu, glugga og salerni.
Á hæðinni er góð stofa með beinu útgegni út á rúmgóðar suðursvalir þaðan sem hægt er að ganga út í garð. 
Rúmgott eldhús með innréttingu, eldavél, gufugleypi og tveimur gluggum. 

Ris:
Upp af miðhæðinni er stigi upp á ris sem samanstendur af tveimur svefnherbergjum
Á milli herbergjanna er setustofa þar sem stiginn kemur upp. 

Kjallari:
Niður úr forstofu er gengið niður í kjallarann.
Gegnið er í gegnum gott þvottahús og inn á setustofu/gang.
Innaf gangi eru tvö svefnherbergi annað innaf hinu.
Baðherbergi er í kjallara með salerni, walk in sturtu og handlaug.

Vinnustofa / Geymsla:
Á lóðinni, fyrir aftan húsið er 25 fm geymsluhús / vinnustofa sem byggð var 1999 í sama stíl og húsið. 
Lítil geymsla undir geymsluhúsinu. 


Einstök eign í hjarta miðborgarinnar þaðan sem stutt er í alla helstu þjónustu, verslun, veitingastaði og mannlíf.

Frekari upplýsingar veitir Júlían J. K. aðstoðarmaður fasteignasala í löggildingarnámi í síma 823 2641 eða á netfanginu julian@remax.is.

Vegna mikillar eftirspurnar vantar mig allar tegundir eigna á skrá. Hafðu samband og ég mun verðmeta eign þína þér að kostnaðarlausu.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Við bendum væntanlegum kaupendum á að kynna sér vel ástand fasteigna við skoðun og fyrir tilboðsgerð.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi 0,8%, ( 0,4% ef um fyrstu kaup er að ræða ) og 1.6% (ef lögaðilar) af heildar fasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 0.5% - 1,0% af höfuðstól skuldabréfs. Nánari upplýsingar á t.d. heimasíðu lánastofnana.
4. Umsýslugjald til fasteignasölur kr. 69.900.-