Skólavörðustígur 6B, 101

Eignin er seld og er í fjármögnunarferli.

Fasteignamarkaðurinn ehf. s: 570-4500 kynnir til sölu virkilega fallega, þó nokkuð endurnýjaða og vel skipulagða 67,2 fermetra 2ja herbergja íbúð á 2. hæð með stórum norðaustur svölum í góðu fjölbýlishúsi í hjarta miðborgarinnar.  Aðeins er gengið upp eina hæð í stigahúsi að íbúðinni.

Eldhúsinnréttingar og tæki voru endurnýjuð fyrir 2 árum síðan og baðherbergi var endurnýjað á sama tíma.  Sameign er mjög snyrtileg og vel umgengin.

Fyrirhugað fasteignamat fyrir árið 2023 er kr. 53.350.000.-

Lýsing eignar:
Forstofa / hol, parketlagt og með fataskápum.
Stofa, parketlögð og rúmgóð með útgengi á 18,5 fermetra svalir til norðausturs þar sem sólar nýtur frá morgni fram að hádegi.
Eldhús, opið við stofu og með gluggum til austurs. Fallegar og nýlegar ljósar viðarinnréttingar með innbyggðum ísskáp með frysti.
Svefnherbergi, parketlagt og rúmgott með fataskápum á heilum vegg og útgengi á sömu svalir til norðausturs.
Baðherbergi, nýlega endurnýjað með dúkflísalögðu gólfi og klæddum veggjum. Nýlegur sturtuklefi, handklæðaofn, vaskápar, veggskápar með lýsingu í og tengi fyrir þvottavél.

Í kjallara eru:
Sérgeymsla, 6,4 fermetrar að stærð og með hillum.
Sameiginlegt þvottaherbergi, með sér tenglum fyrir hverja íbúð og loftræstingu.
Aðstaða til að geyma hjól undir innistiga.

Húsið að utan lítur ágætlega út en til stendur að skipta um klæðningu á svölum hússins. Allar upplýsingar um þær framkvæmdir er að finna í yfirlýsingu húsfélags.

Staðsetning eignarinnar er virkilega góð í hjarta miðborgarinnar.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is