Ljósheimar 14-18, 104

 

Heimili fasteignasala kynnir í einkasölu:  Ljósheimar 14-18 - vel skipulögð og björt 4ra herbergja íbúð á áttundu og efstu hæð hússins. Stórglæsilegt útsýni yfir borgina til suðurs og vesturs. Eign í vönduðu fjölbýlishúsi með tveimur lyftum á eftirsóttum stað miðsvæðis í Reykjavík.

Gengið er inn í íbúðina af svalagangi þar sem nýlega er búið að setja gler/svalalokanir. Komið er inn í anddyri með flísum á gólfi. Stórt og bjart opið flísalagt rými sem er í senn eldhús, stofa og borðstofa. Gengið út á svalir með einstöku útsýni yfir borgina, gólfsíðir gluggar auka enn á útsýnið.  Tvö barnaherbergi með parketi.  Rúmgott hjónaherbergi með fataskápum, parket á gólfi og útgangur út á sömu svalir og frá stofunni. Baðherbergi með flísum, innrétting undir vaski og baðkar. Tengi er fyrir þvottavél og þurkara í anddyri.

Í sameign er hjóla/vagnageymsla, sérgeymsla íbúðar og sameiginlegt þvottahús með tækjum í eigu húsfélagsins. Sameign hússins er öll hin snyrtilegasta. Á jarðhæð er sameiginleg forstofa og hol þar innaf. Rafmagnsopnun er á útidyrahurðum. Eftirlitskerfi er í sameiginlegri forstofu og geymslugöngum á jarðhæð. 

Íbúðin er frekar slitin að innan, gólfefni og innréttingar. Einnig þarf að laga svalahurð o.fl. Húsið er nýlega viðgert að utan að stórum hluta.  Þá var austurhlið hússins öll viðgerð og settar nýjar gler-svalalokanir á stigahús utan á húsinu. Búið er að endurnýja heitavatnslagnir í húsinu og endurnýja allt ofnakerfi í íbúðinni. Aðkoma að húsinu er mjög snyrtileg með hellulögn, lýsingu og góðu handriði við stiga. 

Verslunarmiðstöðin Glæsibæ, Hreyfing, Vogaskóli og Menntasólinn við Sund eru í göngufæri.  Laugardalurinn og Skeifan með fjölbreytta þjónustu eru í næsta nágrenni.   Eignin er mjög miðsvæðis og stutt í stofnbrautir.

Allar frekari upplýsingar veitir Finnbogi Hilmarsson, fasteignasali, finnbogi@heimili.is