Austurvegur 28, 800

Gimli fasteignasala kynnir: 
EINSTAKT TÆKIFÆRI Í FERÐAÞJÓNUSTU. AFAR VEL STAÐSETT GISTIHEIMILI Í FULLUM REKSTRI MEÐ 28 HERBERGJUM OG GISTIRÝMI FYRIR ALLT AÐ 66 MANNS. SELJANDALÁN Í BOÐI. 

Selfoss Hostel býður upp á fjölbreytta möguleika varðandi gistingu og nýtingu. Gistiheimilið sem er staðsett við aðalgötu Selfoss stendur á 2200 fm eignarlóð. Það er á tveimur hæðum og er í heildina 782,8 fm að stærð. Móttakan er með lyklalausu aðgengi og lyfta er á milli hæða. Herbergin sem eru mismunandi að stærð, frá 1-8 manna, eru snyrtileg og flest þeirra með handlaug. Sameiginlegar snyrtingar eru samtals 11 talsins, staðsettar víðs vegar um húsið. Tveir vel útbúnir veitingasalir eru í húsinu, á hvorri hæð fyrir sig auk þess sem góð rými eru við lyftu beggja hæða sem nýtast sem notarlegar setustofur. Stórt og skjólgott hellulagt útisvæði með borðum og stólum sem er fallega rammað inn af húsinu og snýr í suður. Bílastæði eru bæði fyrir framan og aftan húsið. Miklir möguleikar í nýtingu og væri jafnvel hægt að stúka af íbúð í hluta hússins með fremur einföldum hætti. 
Nánari upplýsingar veita Lilja Hrafnberg, Viðskiptafr./Lögg. fasteignasali, í síma 8206511, tölvupóstur lilja@gimli.is og Ólafur B. Blöndal, í síma 6900 811, tölvupóstur olafur@gimli.is milli kl. 9:00 og 17:00 alla virka daga.

Myndband af eigninni: https://youtu.be/vkdFCbpynYg
Slóð á gistiheimilið: https://selfosshostel.is

NÁNARI LÝSING:
Gistiheimilið er á tveimur hæðum en aðalinngangur, móttaka og stórt 8 manna "hostel" herbergi eru staðsett í viðbyggingu á vinstri hlið frá götu. Lyftan er staðsett við aðalinngang og þaðan er komið inn í smekklega móttöku í rustic stíl með afgreiðsluborði. Herbergin eru 28 talsins, flest með handlaug. Stærð herbergjanna er mismunandi, allt frá 1 manns herbergjum upp í 5 manna fjölskylduherbergi fyrir utan "hostel" herbergið sem rúmar 8 manns í gistingu. Tveir vel útbúnir veitingasalir eru í húsinu. Veitingasalur á efri hæð er um 75 fm að stærð með vel tækjum búnu eldhúsi og borðum og stólum fyrir 64 manns, útgegni út á stórar suður-svalir og stiga þaðan niður í garðinn/útisvæðið. Veitingasalur/gestaeldhús á neðri hæð er um 50 fm., fallega innréttað með stórri eldunareyju og flottri aðstöðu fyrir gesti til að matreiða sjálfir. Þaðan er útgengi beint út í garðinn/útisvæðið. Neðri hæð hússins er flísalögð en á efri hæð er parket og voru gólfefni endurnýjuð af núverandi eiganda. Þvottaaðstaða starfsmanna er staðsett á neðri hæð hússins og við hlið matsalar á neðri hæð er einnig þvottaaðstaða fyrir gesti en þær vélar fylgja ekki með í kaupunum. Allur annar húsbúnaður og tæki fylgja. 
Húsið hefur fengið gott viðhald í gegnum tíðina og var fyrri eigandi m.a. búinn að skipta um skólp undir húsinu og skipt var um járn á þakinu 2009. Búið að drena kringum húsið og skipt hefur verið um gler í flestum gluggum. Nýir gluggar að norðanverðu og að hluta til í sunnanverðu húsinu. Einnig hefur garður sunnan megin við húsið verið jarðvegsskiptur og hellulagður. Húsið er almennt séð í góðu ástandi en þarf að mála og laga múr að utanverðu sem búið er að vinna undir málningu og verið er að lagfæra þak millihæðar. 

Gimli er ein af elstu starfandi fasteignasölum landsins, stofnuð 1982 og fagnaði því 40 ára starfsafmæli á árinu 2022. Leiðarljós Gimli er heiðarleiki og traust. Gimli, gerir betur...

Um skoðunar- og aðgæsluskyldu kaupenda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Gimli fasteignasala bendir væntanlegum kaupendum á að kynna sér vel ástand eigna við skoðun og fyrir tilboðsgerð og að leita til sérfræðinga um nánari ástandsskoðun ef þörf er á. 

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.Þinglýsingargjald hvers skjals er kr. 2.700,- .Lántökugjald lánastofnunar skv. gjaldskrá viðkomandi lánveitanda.Umsýsluþóknun fasteignasölu skv. gjaldskrá.Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.