Höfðabakki 9D, 110

Til leigu hjá Reitum: Virkilega fallegt og nýlega endurnýjað skrifstofuhúsnæði

Húsnæði skiptist í nokkur opin rými ásamt fundarherbergjum. Í húsnæðinu er rúmgóður matsalur eða fundarsalur sem er lagður nýlegu vínylparketi með stórri eldhúsinnréttingu og plássi fyrir þrefaldan ísskáp. Rýminu er lokað frá vinnusvæði með glerveggjum með filmu sem hægt er að stilla hvort sé gegnsæ eða sandblásin eftir því hvað hentar hverju sinni. Vinnurými eru lögð nýlegu teppi sem tryggir góða hljóðvist á vinnusvæðum. Góðir gluggar til suðurs og norðurs, Norðanmegin er fallegt útsýni.
Aðalinngangur í rýmið er gegnum snyrtilegan inngang sem var endurnýjaður fyrir örfáum árum. Inngangurinn er frá bílastæði sem hefur verið endurnýjað með fallegum gróðri. Við innganginn er skjólgóður suðurpallur.
Auk þess er annar inngangur sem snýr að starfsmannabílastæði til vesturs. Rýmið er á 1. hæð (jarðhæð) og býður upp á gott aðgengi fyrir alla. Afhending við undirritun. 

Skoða í 3D

Á Höfðabakka 9 og næstu húsum er fjölbreytt verslun og þjónusta. Stórt bílastæði er við húsið og greiðfært er að því gegnum helstu samgönguæðar og almenningssamgöngur. 

Pantið skoðun hér eða hafið samband við Halldór Jensson, sölustjóra, í síma 840 2100 eða í netfanginu halldor@reitir.is til að fá nánari upplýsingar.

Reitir bjóða framsýnum fyrirtækjum klæðskerasniðið atvinnuhúsnæði til leigu. Reitir byggja á arfleifð umsvifa sem hófst með byggingu Kringlunnar árið 1987. Innan eignasafnsins er skrifstofuhúsnæði, verslunarhúsnæði, sérhæft atvinnuhúsnæði og hótel, auk metnaðarfullra þróunarverkefna. Á síðari árum hafa Reitir hlúð að sögufrægum byggingum og staðið þannig vörð um íslenskan menningararf á sama tíma og horft er til sjálfbærrar framtíðar. 

Kynntu þér þjónustu Reita og fleira húsnæði til leigu á reitir.is. 

Tegund: skrifstofurými, verslunarrými
Afhending: Afhending við undirritun