Dalbraut 18, 105

Opið hús: Dalbraut 18, íbúð 205, 105 Reykjavík. Eignin verður sýnd fimmtudaginn 11. júní 2020 milli kl. 13:00 og 13:30.

Fasteignasalan Bær kynnir 2ja herb. 52 fm. íbúð á 2. hæð, fyrir 60 ára og eldri, auk rúmgóðrar geymslu í kjallara.  Yfirbyggðar svalir með furulektum á gólfi og hitaelementi upphengdu í kverk.  Tvær geymslur.  Íbúðin er laus við kaupsamning.  Innangengt er frá jarðhæð í þjónustusel, þar sem boðið er upp á þjónustu á vegum félags- og þjónustumiðstöðvar Reykjavíkur.  Í tengibyggingu á jarðhæð er m.a. hárgreiðslustofa, setustofa, mötuneyti með verönd, vinnustofa o.fl.  Fallegur sameiginlegur garður.  Frábær staðsetning, þar sem stutt er í Laugardalinn, laugina, verslun og þjónustu.

Allar nánari upplýsingar veitir:
Eggert Ólafsson, löggiltur fasteignasali, í síma 893 1819, eggert@fasteignasalan.is
Viltu frítt verðmat fyrir sölu? Get ég aðstoðað þig við sölu eða leigu íbúðar þinnar?
 
Nánari lýsing:  Komið er inn í gang með fataskáp.  Stofa er opin inn í eldhús og með útgengt á yfirbyggðar svalir.  Eldhús er með hvítum hurðum á innréttingu, Electrolux eldavél og viftu.  Svefnherbergi er með fataskáp.  Í baðherbergi er innrétting, sturtuhorn með sæti, tengi fyrir litla þvottavél, veggdúkur og vinyldúkur á gólfi.  Geymsluherbergi með hillum er í íbúð, sem mögulegt væri að nota sem frístundaherbergi.  Rúmgóð sérgeymsla er einnig í kjallara.  Pergo plastparket er á gólfum, nema á baðherbergi þar sem eru flísar.  Innihurðir eru spónlagðir með ljósum spæni.  Skápar eru með hvítum hurðum.  Sameiginlegt þvottahús með þvottavél og þurrkara er í kjallara.  Lyfta er í húsinu og einnig sameiginlegur húsvörður fyrir Dalbraut 18 og 20.  Sameign og lóð er vel viðhaldið.
Annað:  Kaupandi greiðir árgjald til Samtaka aldraðra, samkvæmt gjaldskrá.  Kaupandi greiðir að auki 1% af kaupverði til Samtaka aldraðra, sem greiðist við kaupsamning.  Þjónustuselið í húsinu á og rekur Reykjavíkurborg.
Kvöð:  Þær kvaðir eru á íbúðunum að þær verða ekki seldar né afhentar til afnota öðrum en þeim sem orðnir eru 60 ára og eru félagar í Samtökum aldraðra.  Þeir félagar sem orðnir eru 67 ára og eldri hafa forgangsrétt.  Samtök aldraðra eiga forleigu- og forkaupsrétt að íbúðunum, sbr. eignaheimildir.

Kaupandi þarf að vera félagsmaður í Samtökum aldraðra. Þegar aðili gerist félagsmaður í Samtökum aldraðra skuldbindur hann/hún sig til að hlíta samþykktum Samtakanna, sem er að finna á heimasíðu þeirra aldradir.is:
Úrdráttur úr 12. gr. samþykkta Samtaka aldraðra, sem kaupandi þarf m.a. að undirgangast:  Sá, sem fengið hefur íbúð að tilhlutan félagsins, má ekki selja íbúðina nema stjórnin hafi áður hafnað forkaups­rétti af hálfu félagsins. Áform um sölu á íbúð skal tilkynna skriflega og sannanlega til félagsins. Söluverð íbúðar má aldrei vera hærra en upphaflegt kostnaðarverð hennar, að teknu tilliti til vísitölu byggingar­kostnaðar og með hliðsjón af viðskeytingu, lagfæringu og ástands hennar samkvæmt mati matsmanns félagsins eða dómkvadds matsmanns/matsmanna. Stjórn félagsins setur nánari reglur um útreikning kostnaðarverðs íbúðar. Enginn getur eignast íbúð í húsum félagsins nema vera félagsmaður, greiða árgjöld til félagsins og fullnægja að öðru leyti þeim skilyrðum sem sett eru í samþykktum Samtaka aldraðra.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi 0,4 - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar skv. gjaldskrá, sjá nánari upplýsingar á t.d. heimasíðu lánastofnana.
4. Umsýslugjald til fasteignasölu, sbr. kauptilboð.
5. Kaupandi greiðir 1% gjald ofan á kaupverð íbúðar til Samtaka aldraðra.
 
Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Fasteignasalan Bær því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.