Njálsgata 84, 101

EG - fasteignamiðlun kynnir:

NJÁLSGATA 84 - einstaklega falleg íbúð á tveimur hæðum í miðbænum ásamt fullbúnu sérstæðu hönnunarsmáhýsi á baklóð.

Birt stærð eignarinnar er samtals 202,4 fm og skiptist þannig að Íbúðin er 171,2 fm, smáhýsi 27,1 fm geymsla 16,7 fm og hjólageymsla 4,1 fm.

Íbúðin sem er einkar vel skipulögð er á tveimur efstu hæðum þríbýlishúss í miðbænum.
Hún skiptist í hol, tvær stofur, eldhús og gestasnyrtingu á 3.hæð og fjögur svefnherbergi og baðherbergi á 4. hæð. 
Fimm metra lofthæð er í holi, og um þriggja metra lofthæð í herbergjum efri hæðar þar sem hún er hæst.
Nánari lýsing:
Neðri hæð: Komið er inn í íbúðina frá stigapalli á 3. hæð inn í rúmgott hol með um fimm metra lofthæð.
Samliggjandi stór stofa/borðstofa méð útgengi út á suður svalir.
Eldhús með sérsmíðaðri innréttingu með kvarts borðplötu, Baumatic eldavél með gashelluborði með viftu yfir, tvöföldum ísskáp og innfelldri uppþvottavél.
Gestasnyrting er með dökkum flísum á gólfi og fallegum mósaíkflísum á veggjum, upphengdu salerni og glugga.
Fallegur stigi með teppalögðum eikarþrepum liggur upp á efri hæðina. Við stigauppganginn eru tveir stórir gluggar í norður sem hleypa inn góðri birtu og frá efri glugganum er fallegt útsýni þar sem m.a. Esjan rammast inn á skemmtilegan máta.
Efri hæð: Frá tepplögðum rúmgóðum gangi er farið inn í aðrar vistaverur á hæðinni sem eru fjögur svefnherbergi og baðherbergi.
Þrjú herbergjana snúa í suður og eru þau öll mjög stór og með mikilli lofthæð og tvöfaldri opnanlegri hurði út á franskar svalir með frábæru útsýni þar sem meðal annars Hallgrímskirkja og Perlan í Öskjuhlíð blasa við.
Herbergi 1(hjónaherbergi), er með fataskápum úr gegnheilum við, sem ná yfir heilan vegg og með speglahurðum í miðjunni.
Herbergi 2, er með sérsmíðuðum bekk með útdraganlegum skúffum og sérsmíðaðri bóka og sjónvarpsinnréttingu með skrifborði.
Herbergi 3, er með innfelldum fataskáp með speglahurðum.
Herbergi 4, er minna og er með fataskáp og útsýnisglugga í norður. 
Baðherbergið er flísalagt í hólf og gólf og þar er baðkar með sturtu og stór gluggi með útsýni í norður. Innaf baðherberginu er lítil súðargeymsla.
Á gólfum beggja hæða er gegnheilt niðurlímt eikarparket fyrir utan að baðherbergi eru flísalögð og teppi er á gangi efri hæðar.

í kjallara er stór sérgeymsla, sameiginlegt þvottahús og þurrkherbergi. Frá kjallara er útgengt út á baklóðina.

Hönnunar smáhýsi:
Á baklóðinni er fullbúið smáhýsi sem hægt er að nýta sem vinnustofu, gestahús eða sem útleigueiningu.
Húsið sem hvílir á grunni fyrrum útigeymslu er einangrað að utan og klætt með álbáru. Framkvæmdin var grenndarkynnt og er samþykkt af hálfu byggingafulltrúa.
Steinsteypt viðbygging var reist við skúrinn, hann tengdur við skólp og fráveitu, heitt og kalt vatn, ljósleiðara, rafmagn og hita.
Í húsinu er fullbúið eldhús, rúmgott og veglegt baðherbergi og stofu/svefnrými þar sem eru bekkir með útdraganlegu tvíbreiðu rúmi.
Gólfefni er gegnheil eik og slípuð gömul og ný sjónsteypa mætast á veggjum hússins að innan. Gluggar og hurðakarmar úr harðviði. 
Ekkert var til sparað við gerð smáhýsisins og er hönnun þess sérstaklega vel heppnuð og smekkleg og þar vandað til verka á allan hátt.
Húsið hefur verið nýtt í útleigu og gefið af sér góðar tekjur.

Umfangsmiklar endurbætur hafa verið gerðar á fasteigninni undanfarin ár:
Helmingur af efri hæð íbúðar var endurbyggður 2009 eftir teikningum frá Kurt og Pí arkitektum. Innveggir, útveggir og þak rifið og reist að nýju og  þakhæðin klædd með zinki að utan.  Settar voru franskar svalir með tvöfaldri hurðaopnun í öllum herbergjunum sem vísa til suðurs  á hæðinni. Svalahurðakarmar og gluggar eru úr harðviði sem og allir sérsmíðarðir skápar og innréttingar á hæðinni. Nýtt teppi var sett á gang efri hæðar og stiga milli hæða í febrúar 2022.
Bæði baðherberbergi íbúðarinnar hafa verið endurnýjuð frá grunni. 
Í eldhúsi eru sérsmíðuð innrétting frá Borg. Neysluvatnslagnir, ofnkranar og rafmagn hefur verið endurnýjað.  Rofar og innstungur eru frá Gira.
2014 var stigagangur sameignar málaður og settur nýr linoleum dúkur og ný ljós. Framan á stigaþrepum eru listar úr gegnheilli eik. Miðstöðvaofnar í stigagangi voru sandblásnir og polyhúðaðir. Sameign í kjallara var máluð 2021, gólf flotuð og lökkuð með epoximálningu. 
Skólplagnir undir kjallaragólfi voru endurnýjaðar 2018 (gömlum steinrörum skipt út fyrir plast). Hitagrind uppfærð og nýir þrýstijafnarara settir upp. Dren er meðfram hús á baklóð.
Garðurinn var tekinn í gegn samhliða framkvæmdum við smáhýsið. Smíðaður var veglegur pallur á móti suðri er hann hluti af sameign hússins.
Frábær staðsetning í hjarta miðborgarinnar. Örstutt göngufæri í leik og grunskóla, Sundhöllina og íþróttasvaæði Vals að Hlíðarenda er ekki langt undan.

Allar nánari upplýsingar veitir:
Einar Guðmundsson
Lögg. fasteignasali
s. 896-8767
einar@egfasteignamidlun.is