Tjarnargata 47, 101

Híbýli fasteignasala s. 585-8800 kynnir:
 
Einstaklega björt og falleg sérhæð í hjarta borgarinnar við Hljómskálagarðinn og Tjörnina.
 
Lýsing eignar: Íbúðin er á miðhæð með sérinngangi í þriggja íbúða húsi. Gengið er upp steyptar útitröppur og inn í forstofu með frönskum glugga og upprunalegum steinflísum með austulensku mynstri í gólfi. Þaðan er gengið í lítið hol/gang með hvíttuðu eikarparketi sem tengir önnur rými eignarinnar. Úr holi á vinstri hönd er baðherbergi með glugga og nýlega flísalagðri sturtu og baðvaski. Hægra megin er lítil geymsla undir súð, innangengt úr holi.  Lítið svefnherbergi með flotuðu gólfi og innbyggðum fataskáp.
Eldhús, innrétting er hvít og höldulaus með sérstaklega hljóðlátri innbyggðri uppþvottavél og innbyggðum ísskáp sem fylgir með, hvítt spanhelluborð, ofan við helluborðið er vifta með útblæstri, borðplatan er úr fallegum carrara marmara sem er einnig á milli skápa, gamaldags nýir tenglar og sér tafla inni í innréttingu. Milli eldhúss og stofu eru franskar glerhurðir sem renna inn í veggina, hvíttuðu parketi á gólfi.
Stofan er björt með gluggum í tvær áttir og hvíttuðu parketi. Stofa og eldhús snúa út að Tjarnargötu.
Þrjú svefnherbergi eru í íbúðinni. Tvö er rúmgóð og eru bæði með fataskápum og hvíttuðu eikarparketi og snúa út að garðinum sem er einstaklega fallegur og gróinn. Þriðja herbergið er minna, við forstofu, með flotuðu gólfi og innbyggðum fataskáp.
Garðurinn er sameiginlegur en hann er afgirtur og mjög barnvænn, trampólín og garðhúsgögn eru í eigu húsfélagsins. Sameiginlegt þvottahús og áhaldageymsla eru í kjallara hússins sem er innangeng úr garðinum, einnig er möguleiki á því að hafa sér þvottahús innan íbúðar þar sem litla herbergið er með tengi sem auðvelt væri að opna fyrir aftur.

Frábær staðsetning í hjarta miðborgarinnar með stórum sólríkum garði við eina rómuðustu útivistarperlu borgarinnar, Hljómskálagarðinn. Stutt í Tjarnarborg, Mela- og Hagaskóla og Háskólann. Kaffihús, verslanir og öll þjónusta í næsta nágrenni. 

Nánari upplýsingar á skrifstofu Híbýla í síma 585-8800 eða á netfanginu hibyli@hibyli.is
Ingibjörg Þórðardóttir löggiltur fasteignasali s. 864-8800 / ingibjorg@hibyli.is
Ólafur Már Ólafsson löggiltur fasteignasali s. 865-8515 / olafur@hibyli.is