Gnoðarvogur 14, 104

Eignin er seld. Mikill áhugi var á eigninni og er ég með lista af áhugasömum kaupendum af sambærilegri eign. Heimir@fastlind.is

Lind fasteignasala kynnir fallega, vel skipulagða og mikið endurnýjaða 64,2 fermetra 2ja herbergja endaíbúð (gluggar á þrjá vegu) á 3. hæð með rúmgóðum svölum til vesturs í vel viðhöldnu fjölbýlishúsi við Gnoðarvog 14 í Reykjavík. Stofa er rúmgóð og opin að hluta við eldhús með góðum gluggum til vesturs og norðurs. 

Eignin hefur verið mikið endurnýjuð á undanförnum árum, m.a. var skipt um gólfefni, innihurðir og íbúðin máluð árið 2015. Árið 2018 var eldhúsið endurnýjað á afar glæsilegan máta og veggjaskipulagi íbúðar breytt og hún opnuð meira. Sama ár var skipt um alla ofna íbúðar. Nýlega var svo skipt um fataskápa í svefnherbergi. Húsið sjálft hefur sömuleiðis fengið gott viðhald. Fyrir u.þ.b. 10 árum síðan var vesturhlið hússins endurmúruð og máluð og svalir endursteyptar og stækkaðar. Að sögn eiganda voru drenlagnir og klóaklagnir undir þessum stigagangi hússins endurnýjað 2009. Sama ár voru gluggar íbúðar (utan baðherbergis og svefnherbergis) endurnýjaðir. Þá er búið að draga nýtt rafmagn í íbúð og skipta um rafmagnstöflu, sem og skipta um rafmagnstöflu fyrir húsið.

Lóðin er afar snyrtileg með hellulagðri stétt fyrir framan hús og snjóbræðslu. Malbikuð stæði fyrir framan hús. Garðurinn er vel hirtur, tyrfður og með fallegum gróðri. Sameign er afar snyrtileg. 

Frábær staðsetning við alla verslun og þjónustu (t.d. Skeifan og Glæsibær). Leikskóli, grunnskóli og menntaskóli í göngufjarlægð. Stutt í útivistarparadís við Laugardalinn með glæsilegum göngu- og hjólaleiðum. Íþróttasvæði Þróttar, Laugardalslaug, Ármann íþróttafélag, World Class og Hreyfing í næsta nágrenni. 

Fasteignamat 2022 er kr. 36.500.000,-.

Nánari lýsing:
Forstofa: Með harðparketi á gólfi, skáp og fatahengi.
Stofa: Er rúmgóð, björt og með harðparketi á gólfi. Gluggar á tvo vegu, til vesturs og norðurs. Stofa er að hluta til opin við eldhús og með útgengi á svalir til vesturs. Stofa rúmar vel setustofu og borðstofu.
Svalir: Eru rúmgóðar og snúa til vesturs.
Eldhús: Með harðparketi á gólfi og fallegri nýlegri HTH sprautulakkaðri eldhúsinnréttingu. Afar vönduð eldhústæki frá AEG. Bakaraofn, spansuðuhelluborð, innbyggður kæliskápur og innbyggð uppþvottavél. Gluggi til vesturs.
Svefnherbergi: Með harðparketi á gólfi, góðum nýlegum skápum og glugga til austurs.
Baðherbergi: Með flísum á gólfi og á veggjum, baðkar með sturtutækjum, salerni og glugga til austurs.

Kjallari:
Sérgeymsla: Málað gólf.
Vagna- og hjólageymsla: Með máluðu gólfi, sameiginlegum hillum undir dekk, útgengi á baklóð og glugga.
Þvottaherbergi: Er rúmgott og snyrtilegt. Málað gólf, sértenglar fyrir hverja íbúð, gluggar á tvo vegu.
Þurrkherbergi: Með máluðu gólfi, þvottasnúrum og glugga.
  
Allar nánari upplýsingar veitir Heimir Hallgrímsson lögg. fasteignasali og lögmaður í síma 849-0672 eða á netfanginu heimir@fastlind.is