Brekkusíða 2, 603

Brekkusíða 2 - Vel skipulagt 6 herbergja einbýlishús með góðum bílskúr á fallegri hornlóð í Síðuhverfi - stærð 195,0 m² þar af er bílskúr 33,6 m²

Eignin skiptist í forstofu, hol, eldhús, stofu og borðstofu, fjögur svefnherbergi, baðherbergi, þvottahús/bakinngang, búr og sjónvarpsloft. 

Forstofa er með flísum á gólfi og hvítum fataskápum. 
Eldhús, hvít sprautulökkuð innrétting með flísum á milli skápa. Gott skápa- og bekkjarpláss. Ofn og helluborð eru nýleg. Borðkrókurinn er með stórum gluggum og hurð út á verönd. 
Stofa og borðstofa eru í opnu rými þar sem loft eru tekin upp og með innfelldri lýsingu. Dökkt parket er á gólfi og gluggar til tveggja átta. Kamína er í stofunni. 
Hol er með dökku parketi á gólfi.  Af holinu liggur parketlagður stigi upp á loft, skráð 24 m² að stærð og nýtist það í dag sem sjónvarpsstofa.
Sjónvarpsstofan er með dökku parketi á gólfi og tveimur þakgluggum, annar er opnanlegur. Lítil geymsla er þar sem lofthæðin er minni. 
Svefnherbergin eru fjögur, öll með dökku parketi á gólfi og þrjú með hvítum fataskápum. 
Baðherbergi er flísalagt í hólf og gólf, með hvítri sprautulakkaðri innréttingu, upphengdu wc, handklæðaofni, baðkari, sturtu og opnanlegum glugga. Hiti er gólfi á baðherberginu. 
Þvottahús nýtist sem annar inngangur fyrir eignina. Þar eru flísar á gólfi, hvítir sprautulakkaðir fataskápar og nýleg hvít innrétting með skolvask og stæði fyrir þvottavél og þurrkara í vinnuhæð. Nýlegur handklæðaofn er á veggnum við endann á innréttingunni og opnalegur gluggi. 
Búr er inn af þvottahúsinu með flísum á gólfi og hillum. 

Bílskúrinn er skráður 33,6 m² að stærð, með lökkuðu gólfi og rafdrifnum hurðaropnara. Sér gönguhurð er á langhliðinni, beint á móti hurð inn í þvottahúsið. 

Annað
- Innihurðar eru nýlegar.
- Parket var pússað fyrir nokkrum árum. 
- Virkilega gróin og falleg lóð með fjölbreyttum gróðri.
- Stétt á milli íbúðarhúss og bílskúrs og verönd á baklóð er hellulagt.
- Bílaplan er hellulagt og með hitalögnum í, lokað kerfi.
- Eignin er í einkasölu