Efristígur 12, 806

Borg fasteignasala kynnir: Fallegt og hlýlegt sumarhús til sölu á fallegum og friðsælum stað á Efristíg 12 í Kárastaðalandi við Þingvallavatn. Kyrrð, útsýni og gönguleiðir í þjóðgarðinum er það sem gerir þennan bústað að paradís fyrir fjölskylduna. Stutt frá höfuðborgarsvæðinu, aðeins 25 mín. akstur frá Mosfellsbæ.
BÓKIÐ SKOÐUN - gunnlaugur@fastborg.is

Sumarbústaðurinn var byggður í Reykjavík um 1940 en fluttur á Þingvelli 1984. Bústaðurinn er samtals um 105 fm að gólffleti en er skráður skv. fasteignaskrá 61 fm.
Óskráður er milligangur 4 fm og risið um 40 fm að gólffleti. Lóðin er 10.000 fm að stærð og er leigulóð í eigu Ríkissjóðs Íslands. Lóðarleigusamningur hefur verið nýlega endurnýjaður og er hann framlengdur um 10 ár í senn.

Efristígur 12 er í landi Kárastaða á Þingvöllum og tilheyrir Þjóðgarðinum. Rafmagns ofnar og hitakútur er fyrir neysluvatn. Verönd er við húsið og rafmagnspottur. Nýleg rotþró.

Komið er inn í miðju bústaðarins, til vinstri er gott svefnherbergi og baðherbergi.
Eldhús, borðstofa og stofa eru í opnu rými með fallegu viðargólfi. Baðherbergi með sturtu. Kamína í stofu, annars rafmagnskynding með nýlegum ofnum. Milligangur 4 fm, þar er aðstaða fyrir þvottavél og útgengi í tvær áttir. Geymsla er skráð 13,5 fm sem mætti breyta í gestahús.
Í risi er rúmgott svefnloft, þar er gólfflöturinn um 40 fm. Einstakt útsýni, tvö svefnrými sem auðveldlega rúma amk. fjóra. Hár kvistur, lofthæðin er ca 2m í miðjunni, fallegir gluggar til beggja átta. Til afhendingar við kaupsamning. Stór hluti innbús getur mögulega fylgt ef óskað er.

Húsið er staðsett í Þjóðgarðinum á Þingvöllum. Þingvallanefnd á forkaupsrétt við sérhver aðalskipti.
Kaupandi skal kynna sér lóðaleigusamning ÞIngvalla, þá sérstaklega ákvæði 10 og 11 gr. þar sem kveðið er á um að framsal leiguréttar sé háð skriflegu samþykki Lóðaleigusamningur er í gildi,
Óheimilt er að leigja íbúðina út, sjá ákvæði greinar 4.1. þar að lútandi.
Lóðaleigan á Efristíg 12 fyrir 2024 er 197.900 kr.

Fallegur og hlýlegur bústaður við Þingvallavatn í Þjóðgarðinum, á þessum stórfenglega stað.
 
Nánari upplýsingar:
Gunnlaugur Þráinsson, löggiltur fasteignasali, s. 844 6447, gunnlaugur@fastborg.is
 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill BORG fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.