Miklaborg kynnir vandaðar 2ja til 5 herbergja lúxusíbúðir á einstökum útsýnisstað í þessu glæsilega húsi "STUÐLABORG" við Hallgerðargötu 7 við Kirkjusand í Reykjavík, nálægt miðborg Reykjavíkur og í nálægð við Laugardalinn. Um er að ræða 3ja herbergja 103,7 fm íbúð á 1. hæð. Íbúðin er með tvennum svölum og sjávarútsýni í norður og vestur. Eignin skiptist í anddyri, stofu/eldhús, tvö baðherbergi, eitt til tvö svefnherbergi, fataherbergi, svalir og sérafnotareit. Stofa og eldhús eru í sama opna rýminu. Hægt er að bæta við svefnherbergi á kostnað stofu. Gert er ráð fyrir þvottavél og þurrkara í öðru baðherberginu. Fataherbergi og baðherbergi inn af hjónaherbergi. Eignin er skráðir samtals 103,7 fm, þar af er íbúð 94,9 fm og geymsla 8,8 fm. Eigninni fylgja svalir sem snúa í norðvestur (6,5 fm) og sérafnotareitur í suðaustur. Kirkjusandur er endurbyggður borgarhluti við sjávarsíðuna þar sem ný kennileiti Reykjavíkur munu rísa og klára uppbyggingu strandlínu höfuðborgarinnar. Hverfið við Kirkjusand verður blönduð byggð íbúða-, skrifstofu-, verslunar- og þjónustuhúsnæðis og rís það nú á einstökum stað við strandlengjuna í jaðri Laugardalsins, samtengt viðskiptahverfinu í Borgartúni og sjónrænni tenginu við miðbæinn og höfnina. Sannkallað miðborgarhverfi. Byggingaraðili er ÍAV hf. Hönnuðir byggingarinnar eru hin heimsþekkta danska arkitektastofa Schmidt/Hammer/Lassen og íslenska arkitektastofan VA arkitektar. Bókið skoðun - Ásgrímur Ásmundsson, lögmaður og lgf. í s. 865-4120 eða asi@miklaborg.is

Stærðir íbúða eru frá 58-254 fm Fjölbreytileiki ræður ríkjum í íbúðabyggingum í hverfinu, hvort sem er litið er til skipulags, útlits, herbergjafjölda eða stærða íbúða, sem þar verða í boði. Stórkostlegt útsýni er til norðvesturs yfir sundin blá, en einnig til suðausturs yfir græna og gróna byggð og útivistarsvæði Laugardalsins.

Stuðlaborg er 77 íbúða bygging í 5 stigagöngum og verður eitt vandaðasta íbúðarhúsið í hverfinu. Innréttingar og tæki af viðurkenndum og vönduðum gerðum.  Borðplötur innréttinga verða úr kvartsteini. Gólfhitakerfi verður í öllum íbúðum og njóta gólfsíðir gluggar byggingarinnar sín þannig eins og best verður á kosið.  Öll rými verða að fullu loftræst inn og út og þarf því ekki að opna glugga til að fá ferskt loft inn í íbúðarrými. Loftræstingin tryggir betri loftgæði og er góð vörn gegn raka og ryki. Hljóðvist í húsinu er í hávegum höfð hvort sem um er að ræða hljóð utan eða á milli íbúða hússins. Uppbygging útveggja og þaks sem og hljóðeinangrun glugga er eins og best verður á kosið að teknu tilliti til hljóðvistar. 

Alls verða bílastæði fyrir rúmlega 1200 bifreiðar í sameiginlegri bílageymslu undir svæðinu, þar sem auðvelt aðgengi verður að rafhleðslustöðvum. 

Í göngufæri við útivistarperluna í Laugardal og stutt í miðbæ Reykjavíkur. 

Myndir