Brekkubyggð 5, 540

Domus fasteignasala kynnir fallegt 175 fm einbýlishús á Blönduósi. Húsið var byggt 1973. Frábært útsýni er yfir Húnaflóa frá húsinu. 

Brekkubyggð 5 á Blönduósi er að grunnfleti 101 fm og bílskúr 25,6 fm. Myndarlegt risþak er á húsinu og efri hæðin að hluta undir súð. Uppgefið flatarmál efri hæðar er 47,9 fm. en auk þess er það rými, sem ekki nær fullri lofthæð undir súðinni.

Frábært útsýni er úr húsinu og á vesturhlið efri hæðar eru svalir þar sem sjá má yfir Húnaflóann, vestur á Vatnsnes, á Strandir og fram til fjalla.

Á neðri hæð er stór stofa, 2 herbergi, eldhús, búr, þvottahús og bað. Á efri hæð er einnig stofa, tvö svefnherbergi, sauna og snyrting með sturtu.
Nánari lýsing.

Forstofa: Flísar á gólfi, skápur og fatahengi.

Hol og stofa: Úr forstofu er komið í hol. Þaðan eru tvö þrep niður í stofuna. Parket á stofu er farið að láta á sjá.

Eldhús: Gengið inn í eldhús úr holi. Eldhúsinnrétting var vönduð í upphafi en orðin nokkuð gömul. Borðkrókur í eldhúsi. Flísar á gólfi. Búr á gangi.

Þvottahús: Gengið er inní þvottahús af svefnherbergisgangi og þaðan út á baklóð. Þvottahúsið er ágætlega rúmgott. Nýjar innréttingar. Ágætt skápapláss. Borðplata undir þvottavél og þurrkara í vinnuhæð, skúffur undir.

Svefnherbergi: Herbergi eru 2 á neðri hæð og 2 á efri hæð. Stórir skápar í hjónaherbergi en minni skápar í öðrum herbergjum.

Bað: Baðherbergi flísalagt. Lítil en ágæt inrétting er á baðinu.

Baðstofa: Baðstofa er undir súð á efri hæð. Úr henni er gengið út á vestursvalir. Þaðan er mikið útsýni yfir Húnaflóa. Frekar auðvelt væri að byggja alveg yfir svalirnar.

Bílskúr: Bílskúr er 25,6 fm.

Endurbætur: Skipt var um allt gler í húsinu fyrir nokkrum árum og þá glugga sem þörf var á að skipta um. Nýir ofnar settir í stofu og herbergi á neðri hæð fyrir tveimur árum. Nýlegar innréttingar í þvottahúsi. Þörf er að skipta um þakkant og niðurfallsrennur á húsinu og parkett í stofu og á holi.

Lóð: Stór lóð er við húsið

Skipti á minni eign: Skipti á minni eign á Blönduósi koma til greina.
Upplýsingar veita Stefán Haraldsson s 440 6030 eða 894 1669 stefan@domus.is  eða Stefán Ólafsson hrl. löggiltur fasteignasali s 440 7972 stefano@domus.is

Myndir