Ljósheimar 14-18, 104

Fasteignamarkaðurinn ehf. s: 570-4500 kynnir mjög fallega, bjarta og vel skipulagða 4ra herbergja 100,7 fermetra íbúð á 2. hæð, að meðtalinni 3,4 fermetra sérgeymslu á jarðhæð, í vönduðu fjölbýlishúsi með tveimur lyftum á eftirsóttum stað miðsvæðis í Reykjavík. Möguleiki er að kæliskápur, uppþvottavél, þvottavél og frystiskápur fylgi með eigninni.

Lýsing eignar:
Forstofa: með teppi á gólfi og skápum.
Svefnherbergi I: með parket á gólfi, góðum skápum með rennihurð og glugga til norðurs.
Eldhús: með parket á gólfi og borðkrók. Upprunaleg eldhúsinnrétting með góðu skápaplássi og flísum á milli skápa. Siemens bakaraofn, tengi fyrir uppþvottavél og gluggar til austurs.
Stofa/borðstofa: er rúmgóð og björt með parket á gólfi. Stórir gluggar til vesturs með gler rennihurð og útgengi á góðar vestursvalir.  
Baðherbergi: er flísalagt í gólf og veggi, tengi fyrir þvottavél, baðkar með sturtutækjum, speglaskápur og gluggi til norðurs.
Svefnherbergi II: með parket á gólfi, góðum skápum með rennihurð og glugga til norðurs.
Svefnherbergi III: með parket á gólfi, góðum skápum með rennihurð á heilan vegg, stór gluggi til vesturs og útgengi út á rúmgóðar vestursvalir.

Á jarðhæð er:
Sérgeymsla.
Sameiginlega hjóla- og vagnageymsla: sem eru tvær á jarðhæð með hjólastöndum og krókum í loftum.
Sameiginlegt þvottahús: sem eru tvö á jarðhæð með sameiginlegum iðnaðartækjum (þvottavélum, þurrkurum og þeytivindu). Bæði þvottahúsin eru afar snyrtileg með dúk á gólfi og flísum á veggjum. Þvottasnúrur eru í öðru þvottahúsi og gott vinnuborð.
Sameign hússins er öll mjög snyrtileg.  Sameiginleg forstofa á jarðhæð og hol þar innaf eru flísalögð og rafmagnsopnun er á útidyrahurðum. Eftirlitskerfi er í sameiginlegri forstofu og geymslugöngum á jarðhæð. 

Verið er að vinna við viðhaldsframkvæmdir á ytra byrði hússins. Ástandsskýrsla frá 15.11.2016 liggur fyrir. Seljandi mun bera kostnað af samþykktum framkvæmdum við húsið m.v. afhendingardag. Glerhlið hússins var endurnýjuð fyrir um 4 árum síðan. Búið er að endurnýja heitavatnslagnir í húsinu. Búið er að endurnýja allt ofnakerfi í íbúðinni. Aðkoma að húsinu er mjög snyrtileg með hellulögn, lýsingu og góðu handriði við stiga. Staðsetning eignar er virkilega góð þar sem stutt er í alla verslun og þjónustu. Laugardalurinn í næsta nágrenni.