***Domusnova fasteignasala kynnir ***
118fm glæsileg íbúð með útsýni til hafnar - Allt efnisval er sérvalið


Lýsing eignar:

Anddyri: Fataskápar í anddyri eru spónlagðir að innan og með hurðum og ytra birði sem eru sprautulakkaðar í litaþema íbúðarinnar. Innvols er frá Innval með fylgihluti af vandaðri gerð.
Þvottaherbergi: Vönduð innrétting frá Noblessa í litaþema íbúðar er í þvottahúsi.  Á gólfi eru gæðaflísar frá Iris stone á Ítalíu með marmaramynstri. Skolvaskur fylgir. Rakaheldir ljósakúpplar eru í þvottaherbergi.
Eldhús: Innrétting er af vönduðustu gerð sem Noblessa býður upp á, háglans með matta grynnri efri skápa til að brjóta upp útlitið. Borðplata og klæðning er úr Meganite Carrara efni með eldhúsvaski úr sama efni sem felldur er í borðplötuna. Eldhústæki eru af vönduðustu gerð frá Simens, dökkt stainless steel. Í eyjunni er vifta sem gengur ofan í boðplötuna sem og vínkælir. Ofninn og helluborðið eru með Home Connect sem hægt er að stjórna úr snjallsíma eða spjaldtölvu. Lýsing er undir efri skápum. Ljúflokun er á skúffum og skápum. Blöndunartæki er frá Vola.
Stofa: Útsýni til hafnar og í átt að Arnarhóli
Herbergissvíta með baðherbergi inn af. 
Herbergi 2 / Sjónvarpsherbergi: Nýting íbúðar. Íbúðin getur bæði nýst með tveimur svefnherbergjum eða með einu svefherbergi og stóru sjónvarpsherbergi. 
Tvö baðherbergi: flísalögð með ítölskum gæðaflísum með marmaramynstri frá Iris stone, bæði gólf og veggir. Innrétting er í litaþema íbúðar háglans grá frá Noblessa, með Meganite borðplötu og innbyggðum vaski úr sama efni. Speglalýsing á baðherbergjum er Mini Glo Ball frá Flos. Hreinlætistæki eru frá Vola. Salerni eru upphengd með innbyggðum vatnskassa. Fyrir sturtum er hert sturtugler.
Útihurðir eru raflæstar og tengdar heildstæðu aðgangsstýrikerfi. E-Net ljósastýrikerfi frá GIRA sem bíður upp á notkun smáforrits (app) í snjalltækjum til að stýra ljósum.
Útilýsing á svölum er lágstemmd. Vandað er til lýsingar í sameign sem stýrt er að hluta af hreyfiskynjurum.

Í sameign er  sér geymsla sem fylgir íbúðinni og hjóla/vagnageymsla. 

HÖNNUÐIR Arkitektar hússins eru PKdM arkitektar.
Stofan var stofnuð af Pálmari Kristmundssyni arkitekt sem vinnur í samstarfi með Fernando de Mendonca og öflugu teymi alþjóðlegra arkitekta. Stofan hefur unnið til fjölda verðlauna hér heima og erlendis fyrir framúrskarandi hönnun.
Guðbjörg Magnúsdóttir, sem er meðal þekktustu innanhússhönnuða landsins, hannaði og sá um efnisval. Ferill verkfræðistofa hefur með höndum burðarþols- og lagnahönnun, teiknistofan Verkís bruna-og hljóðhönnun og verkhönnun raflagna- og lýsingarhönnun.
Hafnartorg samanstendur af 70 glæsilegum íbúðum af ýmsum stærðum og gerðum.
Bílastæði í bílakjallara eru í boði fyrir íbúðareigendur gegn hóflegu gjaldi sem hægt er að kynna sér inn á eftirfarandi vefslóð: https://hafnartorg.is/bilakjallari/


Nánari upplýsingar veita:
Andri Hrafn Agnarsson aðstoðarmaður fasteignasala í löggildingarnámi / s: 698-2127 / [email protected]
Agnar Agnarsson löggiltur fasteignasali / s: 820-1002 / [email protected] 
Skrifstofa / s.527-1717 / [email protected]

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:

  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.