** Vinsamlega bókið skoðun á tölvupóstfang hjá fasteignasala fyrir auglýst opið hús. Allir eru beðnir að mæta með andlitsgrímu og gæta að sóttvörnum.

RE/MAX Senter kynnir 4ra herb. endaíbúð á 1. hæð að Bogahlíð 24 í Reykjavík. Björt íbúð með gluggum á þrjá vegu. Húsið lítur einstaklega vel út eftir nýlegar endurbætur. Húsið er eftir Sigvalda Thordarson arkitekt, einn þekktasta og virtasta arkitekt á Íslandi. Innréttingar og gólfefni í íbúð er einnig mikið endurnýjað. Göngufæri er í leikskóla, grunnskóla og framhaldsskóla. Einnig er göngufæri í ýmsa þjónustu í Suðurveri, Kringlunni og miðbænum.

Eignin skiptist í forstofu, þrjú svefnherbergi, baðherbergi, stofu, eldhús, þvottahús og geymslu. Eignin er skráð hjá Þjóðskrá Íslands 87,8 m2. 

Söluyfirlit má nálgast hér
Nánari lýsing:
Forstofa inn af snyrtilegri teppalagðri sameign. Innan íbúðar er innbyggður fataskápur. Parket á gólfi er frá Birgisson og flæðir, án þröskulda, inn um öll rými íbúðar, fyrir utan baðherbergi og þvottahús.
Stofa er björt með glugga til suðvesturs og útgengi út á svalir. Nýleg svalahurð. 
Eldhús er inn af stofu (áður inn af forstofu). Nýleg hvít HTH innrétting á þremur veggjum og hluti skápa ná upp undir loft. Viðarlituð borðplata, spanhelluborð og háfur þar fyrir ofan. Tæki frá Ormsson og blöndunartæki frá Tengi. Stæði fyrir uppþvottavél.
Barnaherbergi er inn af stofu. Gluggi til norðurs. Hvítur fataskápur ofan á parketi.
Hjónaherbergi er rúmgott með hvítum háglans fataskápum sem fylla út í einn vegg. Gluggi snýr í norðaustur.
Barnaherbergi á svefnherbergisgangi er án fataskápa. 
Baðherbergi er nýuppgert, með hvítum flísum upp veggi og gráum gólfflísum. Sturta með glervegg, upphengt salerni, hvítur handklæðaofn og innrétting undir handlaug. Veggfestur spegill með ljósi.
Þvottahús er innan íbúðar og gengið er inn í það frá forstofu. Hvítar skúffueiningar með grárri borðplötu undir þvottavél og þurrkara. Hillustæða á einum vegg. Gráar gólfflísar. Einnig er þvottahús í sameign.
Geymsla er sér í sameign í kjallara og er úti í enda og með glugga.
Hjóla- og vagnageymsla er í sameign. Beint útgengi út í garð.
Garður er gróinn, stór grasflötur og girtur af með trjám, runnum og grindverki. Bílastæði eru framan við hús.
Endurbætur: 2018-2019 var húsið sprunguviðgert og málað. Einnig var skipt um glugga þar sem þurfti sem og í sameign og hurðum í sorpgeymslu skipt út. Rafmagnstölfur voru endurnýjaðar í báðum stigagöngum. Epoxý sett á gólf í sameign í kjallara. Grindverk umhverfis lóð var endurnýjað og nýlega var settur upp nýr dyrasími með myndavél og kóða til að komast inn.
2017 var drenað og skipt um skólplagnir framan við hús og brunnar endurnýjaðir. Lagnir voru ýmist endurnýjaðar eða fóðraðar og niðurfallsrör endurnýjuð. 
2015 var dregið nýtt rafmagn og settir nýir tenglar í íbúð. Rafmagnstafla var endurnýjuð og færð úr forstofu og inn í þvottahús. Á sama tíma var þvottahús útbúið úr hluta af eldhúsi og inngangur í eldhús færður. Eldhúsinnrétting og tæki endurnýjuð sem og allt inni á baðherbergi, þ.e. flísar, innrétting, handlaug og salerni.

Allar frekari upplýsingar um eignina veitir Sigrún löggiltur fasteignasali í síma 864-0061 / [email protected] 

-Vegna mikillar eftirspurnar vantar allar tegundir eigna á skrá.
-Hafðu samband og ég verðmet eignina þína þér að kostnaðarlausu.
-Sigrún Gréta löggiltur fasteignasali í síma 864 0061 eða [email protected]

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,8% af heildarfasteignamati fyrir einstaklinga (0,4% fyrir fyrstu kaupendur) og 1,6% fyrir lögaðila.
2. Stimpilgjald af veðskuldabréfi - 0% af höfuðstól skuldabréfs.
3. Þinglýsingargjald af kaupsamningi, veðskuldabréfi, mögulegu veðleyfi o.fl. - 2.500 kr. af hverju skjali.
4. Lántökugjald lánastofnunar - almennt 0,5-1,0% af höfuðstól skuldabréfs. Nánari upplýsingar t.d. á heimasíðum lánastofnana.