Medial ehf. og Jóna Benný Kristjánsdóttir lögmaður og löggiltur fasteignasali kynna til sölu eignina Sólgerði, Hafnarbraut 20 á Höfn í Hornafirði.

Fallegt hús með sjö svefnherbergjum við aðalgötuna á Höfn í Hornafirði. 

Hafnarbraut 20, eða Sólgerði eins og húsið er jafnan kallað, hefur undanfarin ár verið með leyfi til heimagistingar. 

Aðalinngangur er á miðhæð austan megin við húsið auk þess sem útgengt er á svalir til suðurs af miðhæð og sér inngangur er á neðstu hæð sem er aðeins niðurgrafin. 

Miðhæð
Forstofa á miðhæð hússins er flísalögð. 
Inn af forstofu eru flísalögð geymsla og baðherbergi auk þess sem þaðan er gengið upp stiga á efstu hæð hússins. 
Á baðherbergi á miðhæð eru flísar á gólfi og veggjum, baðkar, hvít innrétting og vaskur, speglaskápur og upphengt salerni.
Í eldhúsi eru flísar á gólfi, ljós innrétting með grárri borðplötu, Electrolux ofn í vinnuhæð, span helluborð frá electrolux og rými fyrir uppþvottavél. 
Í stofu er parket á gólfi og þaðan er útgengt á timburpall með tröppum niður í garð. 
Tvö svefnherbergi eru á hæðinni, inn af stofunni og eru þau bæði parketlögð. 

Efsta hæð
Gengið er upp á efstu hæð um teppalagðan stiga. Parket er á gólfum hæðarinnar fyrir utan baðherbergi. 
Lítill eldhússkrókur með tveimur hellum, vaski og ísskáp í hvítri innréttingu. 
Þrjú svefnherbergi, þar af tvö sérstaklega rúmgóð. 
Á baðherbergi eru flísar á gólfi og veggjum, hvít innrétting og vaskur, speglaskápur, sturta og upphengt salerni. 

Neðsta hæð
Gengið er niður flísalagðan stiga, af gangi gegnt eldhúsi á miðhæð. 
Parket er á gólfi í holi og svefnherbergjum. Sér inngangur er jafnframt úr garði undir timburpalli á miðhæð. 
Þvottahús er með flotuðu gólfi, snúrum, hvítri innréttingu og plássi fyrir 6 þvottavélar/þurrkara.
Geymsla með máluðu gólfi. 
Um 2 m lofthæð er á neðstu hæð. 

Viðhald og endurbætur
Búið er að gera miklar endurbætur á húsinu undanfarin ár. Árið 2016 var skipulagi í húsinu breytt, gerð ný herbergi og eldhúsi á miðhæð breytt. Árið 2017 var nýtt eldhús sett á efstu hæð og skipt um tengla í þvottahúsi auk þess sem öll herbergi voru máluð og útiljós lagað. Árið 2018 voru gerðar viðgerðir á allri steypu að utanverðu og húsið málað af fagaðila auk þess sem gerðar voru lagfæringar á girðingu og útidyrahurð. Sama ár var nýtt parket lagt á herbergi í kjallara og á ganginn. Allir gluggar í húsinu voru málaðir að innan og utan á árunum 2018 - 2019.  Árið 2020 var nýtt plankaparket lagt á svefnherbergi og eldhús á miðhæð og voru herbergi á hæðinni máluð á sama tíma og ruslatunnustandar voru lagfærðir sama ár. Garðinum í kringum húsið hefur verið vel við haldið. 

Allar nánari upplýsingar um eignina veitir Jóna Benný Kristjánsdóttir lögmaður og löggiltur fasteignasali í síma 8698650 og á netfanginu [email protected]

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Medial beinir þess vegna þeim tilmælum til kaupenda að skoða eign vel áður en kauptilboð er gert og jafnframt að fá þar til bæra sérfræðinga til að ástandsskoða eignir. 

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á heimasíðum lánastofnana.
4. Umsýslugjald til fasteignasölu skv. kauptilboði.