Fasteignasala Akureyrar,
Geirþrúðarhagi 6 A. 203
Eignin er 86,8 fm í vestur hluta efri hæðar.
Fjögra herbergja íbúð.
Skiptist í stofu,eldhús,anddyri,hjónaherbergi,tvö herbergi,baðherbergi/þvottahús og geymslu.
SKILALÝSING 14.02.2020
Almennt um Geirþrúðarhaga 6A og 6B
Íbúðirnar eru samtals 14 í 2 fjölbýlishúsum. Íbúðirnar eru nútímalegar, bjartar og vel skipulagðar.
Íbúðirnar eru með opnar svalir sem snúa til suðurs. Íbúðum fylgir sérmerkt bílastæði. Í næsta
nágrenni eru framhaldsskólar, grunnskóli, leikskóli, sjúkrahúsið, verslunin Bónus, golfvöllur og
frábærar gönguleiðir.
Íbúðum verður skilað fullfrágengnum sem og sameign og lóð.
Áætlaður afhendingartími er haust/vetur 2020.
Frágangur utanhúss
Húsin skilast fullbúin að utan. Burðarvirki húsanna er steinsteypt með hefðbundnum hætti og eru
útveggir einangraðir að utan með 100 mm. steinull.
Klæðning
Húsin verða klædd með lituðu áli, lóðrétt að mestu leyti. Litir útveggja eru í gráum litum (Ral 9005).
Sambland af timbri/gleri eða sambærilegum efnum eru á stigahúsi og pöllum.
Þak
Þakplata er steypt með 220 mm.einangrun. Þakgerðin er léttstólað timburþak. Vatnsvarinn
krossviður er í þaki sem er klæddur með tvöföldu lagi af þakpappa. Þakniðurföll verða með
hitaþræði.
Svalir
Svalagólf eru steypt og eru með niðurfalli. Svalahandrið eru úr málmi, gleri og/eða sambærilegum
efnum. Á svölum íbúða er útiljós og rafmagnstengill.
Gluggar og útihurðir
Ál/tré glugga- og hurðakerfið í húsinu er frá Ideal Combi í Danmörku. Gluggar eru hefðbundnir
ál/trégluggar með tvöföldu einangrunargleri og sumir með loftraufum. Gluggar eru settir í eftirá.
Gluggar og útihurðir eru álklædd að utan í dökkum lit og hvítir að innan.
Lóð
Lóð umhverfis hús er graslögð þar sem við á. Gangstéttir eru steyptar/malbikaðar en bílastæði og
akvegir malbikaðir. Íbúðum á 1. hæð fylgir sérnotasvæði samkv. teikningu.
Seljanda ber ekki að skila lóð fullfrágenginni á sama tíma og íbúð er afhent.
Bílastæði
Eitt bílastæði fylgir hverri íbúð með rafmagnstengli tengdum rafmagnsmæli viðkomandi íbúðar.
Rafmagnstengilinn mætti t.d. nota við hleðslu rafbíla. Alls eru 17 bílastæði á lóðinni þar af 2 fyrir
hreyfihamlaða.
Frágangur innanhúss
Íbúðum verður skilað með handslökkvitæki, reykskynjara og lyfjaskáp.
Gólf
Gólf íbúða eru steypt. Í gólfum er ísteypt hitalögn. Eikarparket (harðparket) frá Agli Árnasyni með
hljóðdempunar undirlagi er á gólfum íbúða, flísar eru á gólfum forstofu og
baðherbergja/þvottahúss.
Veggir
Staðsteyptir veggir er spartlaðir og málaðir. Léttir innveggir eru úr gipsi og krossvið. Léttir innveggir
eru spartlaðir og málaðir. Veggir eru málaðir í ljósum lit. Baðherbergisveggir eru flísalagðir eða
málaðir.
Loft
Steypt loft á efri hæð eru slípuð, spörtluð og máluð í ljósum lit, 2% málarahvítt 1000. Á neðri hæð
eru hljóðeinangrandi plötur, í ljósum lit, að undanskildum baðherbergjum sem eru spörtluð og
máluð.
Innihurðir
Hurðir eru með lykillæsingu og hurðarhúnar er úr burstuðu stáli eða sambærilegu. Innihurðir eru
hvítsprautaðar með hefðbundnum hurðarkörmum.
Eldhús
Eldhús er fullbúið með vönduðum tækjum frá Whirlpool eða sambærilegum, þar með talið
spanhelluborði, háf, veggofni með sjálfvirkum hreinsibúnaði, innbyggðum ísskáp og uppþvottavél.
Stálvaskur er í borðplötu. Eldhúsinnrétting er frá GKS en framleiðandinn er þýska fyrirtækið
Nobilia. Eldhúsinnréttingin er með mjúklokunarbúnaði.
Baðherbergi/þvottur
Baðherbergisgólf eru flísalögð. Veggir eru flísalagðir eða málaðir. Baðinnrétting er frá GKS en
framleiðandinn er þýska fyrirtækið Nobilia. Gert er ráð fyrir þvottavél og þurrkara með rakaþétti í
innréttingu. Hvít postulínstæki eru á baðherbergjum og salerni eru vegghengd með innbyggðum
vatnskassa. Sturtugólf er einhalla með glerhurðum. Blöndunartæki á baði eru hitastýrð einnar
handar blöndunartæki. Lýsing er í lofti.
Hreinlætistæki
Hreinlætis- og blöndunartæki eru frá Tengi, af viðurkenndri gerð.
Svefnherbergi
Stór og vel skipulagður fataskápur er í svefnherbergjum sbr. innréttingateikningar. Fataskápar eru
íslensk sérsmíði frá GKS með mjúklokunarbúnaði.
Forstofa
Innrétting/hengi í forstofu er sbr. innréttingateikningar kemur frá GKS.
Herbergi í íbúð
Fataskápur er í herbergi sbr. innréttingateikningar. Fataskápar eru íslensk sérsmíði frá GKS með
mjúklokunarbúnaði.
Sameign/tæknirými
Gólf og veggir eru máluð og hefðbundin lýsing.
Rafkerfi
Rofar og tenglar
Rofar og tenglar (fyrir rafmagn, tölvu/síma og loftnet) eru settir upp í samræmi við
raflagnateikningar. Ljósakúplar er á baði/þvottahúsi og sameign/tæknirými. Önnur ljós fylgja ekki
innan íbúðar. Útiljós eru við innganga og svalir. Kaupandi leggur til önnur ljós.
Dyrabjalla fylgir íbúðum.
Ljósleiðari
Ljósleiðari er tengdur úr sameign/tæknirými í fjarskiptaskáp hverrar íbúðar.
Öryggiskerfi
Hver íbúð er sjálfstætt brunahólf. Reykskynjari og handslökkvitæki eru í hverri íbúð.
Hita- og neyslukerfi
Íbúðir eru upphitaðar með gólfhitakerfi. Á baðherbergi er handklæðaofn. Neysluvatnskerfi er
frágengið með millihitara. (Með því að hita upp kalt vatn með hitaveituvatni má halda kísil og öðrum
steinefnum í lágmarki).
Sameign/stigi
Sameign/stigi er fullfrágengin.
Stigi/úti
Stéttar og tröppur eru með snjóbræðslu og lýsingu. Stigi er með uppsettum handlista. Póstlúgur
eru staðsettar á inngangshurðum íbúða á neðri hæð. Póstkassar fyrir íbúðir á efri hæð eru
staðsettir á jarðhæð. Lýsing er fullbúin með tímarofa og/eða hreyfiskynjara eða sambærilegum
búnaði.
Sorp
Sorpgerði er á milli húsanna og er það með snjóbræðslukerfi.
Inngangspallar
Inngangspallar eru með glerlokun (ekki full lokun). Engin snjóbræðsla er á inngangspöllum.
Til áréttingar
Lýsingu þessari er ekki ætlað að vera tæmandi um einstök atriði.
Seljandi áskilur sér allan rétt til að gera efnis-, útlits- og tæknilegar breytingar meðan á
byggingarframkvæmdum stendur.
Kaupanda er bent á að kynna sér eftirfarandi atriði vel:
• Að það gæti þurft að hreinsa sigti á blöndunartækjum nokkrum sinnum eftir að flutt er inn í
íbúðina og fylgjast skipulega með niðurföllum í þvottahúsi/baði og úti á svölum. Gæta þarf
sérstaklega að ekki frjósi í niðurföllum.
• Svalagólf er nauðsynlegt að sílanbera á ca. 2ja ára fresti ef þau eru ekki flísalögð.0
• Nauðsynlegt er að smyrja lamir á opnanlegum fögum og svalahurðum svo þau festist ekki.
• Inngangshurðum verður að fylgjast vel með og umgangast þannig að engar þvinganir verði við
umgang. Reglulegt viðhald er nauðsynlegt.
• Varast ber að setja plastfilmu eða merkingu á gler eða setja gardínur þétt að gleri vegna
rakamyndunar og/eða sprunguhættu.
• Íbúðarkaupendur gera sér grein fyrir að í lagnarými/sameign geta verið lagnir í loftum og á
veggjum sem nauðsynlegar eru vegna lagnaleiða hússins
• Seljandi ber ekki ábyrgð á eðlilegri og venjulegri sprungumyndun í múr, steypu og timbri. Gera
má ráð fyrir því að kaupandi þurfi að endurmála íbúð eftir nokkurn tíma þegar byggingin, þ.e.
það byggingarefni sem í henni er hefur náð stöðugu ástandi.
• Í steyptum nýbyggingum er mikill raki sem mun hverfa á 1-2 árum. Nauðsynlegt er að útloftun í
íbúðum sé góð og mikilvægt er að fylgjast með vatnsmyndun (dögg) innan á gleri. Til að forða
því að vatn safnist saman neðst á glerinu er mikilvægt að hafa glugga lítillega opna til að tryggja
útloftun, sérstaklega þegar tekur að kólna úti. Gæta skal þess ávallt að útloftun baðherbergis sé
góð og að viftur séu hreinar og rétt stilltar. Ef þetta er ekki gert er hætta á að vatnið geti
valdið skemmdum á gluggum, gólfefnum og málningu.
• Bent er á að hugsanlega þurfi kaupendur að láta framkvæma fínstillingu á vélrænu loftræstikerfi
og á hita- og vatnsstýrikerfi hússins eftir afhendingu íbúðar.
Íbúðirnar eru afhentar þrifnar en nauðsynlegt er, samt sem áður, fyrir kaupanda að
framkvæma sjálfur lokaþrif á íbúðinni.
Skilalýsing þessi er hluti af kaupsamningi íbúða. Upplýsingar og myndefni í skilalýsingu geta breyst
á byggingartíma. Allt efni og teiknaðar þrívíddarmyndir á heimasíðu eru birtar með fyrirvara um
hugsanlegar villur. Með þrívíddarmyndum er reynt að gefa eins góða mynd og hægt er. Ef texta
byggingarlýsingar og skilalýsingar ber ekki saman gildir byggingarlýsing.
Nokkru fyrir afhendingu skal kaupandi skoða íbúðina ítarlega. Ef einhverjir ágallar finnast
skal kaupandi, áður en hann flytur inn undirrita staðfestingu á afhendingu íbúðar. Séu
einhverjir ágallar á íbúðinni skal það koma fram á umræddri staðfestingu. Seljandi mun þá
leitast við að lagfæra þá ágalla áður en kaupandi flytur inn.
Allar frekari upplýsingar veita
Arnar 773 5100 [email protected]
Friðrik 773 5115 [email protected]
Svala 663 5260 [email protected]
Stundum hafa eignir ekki verið seldar nógu oft / yfir höfuð siðan 2007. Þá getur þú notað Samanburðinn sem greinir verðsögu sambærilegra eigna úr þinglýstum kaupsamningum