ALLT FASTEIGNIR, Eldey Vestmannaeyjum, Goðahrauni 1 – SÍMI 481-1313 KYNNA
Áshamar 75, 3a. í Vestmannaeyjum.   Upplýsingar gefur Dísa Kjartansdóttir í síma 861-8901 [email protected] 
 
Lýsing:
Um er að ræða mjög huggulega, bjarta og mikið endurnýjaða fjögurra herbergja íbúð á þriðju hæð með stórum þakgluggum sem veita mikla birtu inní rýmið og frábæru útsýni til norðurs og vesturs.  Eignin er byggð úr steypu árið 1976 og er 99,6m2, þar af er 7m2 geymsla í kjallara og hlutdeild í sameign.  Lóðarstærð er 3694,4m2.  Búið er að klæða alla blokkina að utan og búið er að skipta um alla glugga sunnan megin í íbúðinni.  Þá er búið að skipta um svalahurð og er búið að byggja yfir svalirnar sem snúa í suður.  Stækkar íbúðin helling við það.  Sameiginlegur garður er að sunnanverðu og bílastæði að norðanverðu.  Í íbúðinni eru þrjú góð svefnherbergi, tvö af þeim eru með góðum skápum.  Búið er að skipta um eldhús og er það einkar snyrtilegt, hvítt, með gráum plastborðplötum og fallegum glerskápum.  Nýr bakaraofn er í eldhúsinu.  Plastparket eru á allri íbúðinni, nema í anddyri og á baðherbergi, en þar eru flísar. Þá er búið að skipta um allar innihurðar í íbúðinni.  Baðherbergið er flísalagt með baðkari/sturtu og tengi fyrir þvottavél og þurrkara.  Búið er að setja rafopnun á glugga á baðherbergi.  Anddyri er flísalagt og ágætlega rúmgott með fatahengi og stórum skáp.  Skipt var um járn á stóra þakinu fyrir einhverjum árum.  Íbúðin var meira og minna öll tekin í gegn árið 2009.  Þá er hún frábærlega staðsett varðandi golfvöllinn, íþróttahúsið, Dalinn og Hamarsskólann. Þá er mikill kostur hversu lítið ónæði er í þessari íbúð, þar sem hún er á efstu hæð og innsta íbúð.  
Anddyri/gangur með flísum á gólfi.  Fatahengi og skápur í anddyri. 
Baðherbergi/þvottahús Flísalagt gólf og hluti veggja.  Nett innrétting.  Tengi fyrir þvottavél og þurrkara.     
Eldhús er með plastparketi á gólfi.  Útsýni yfir smáeyjarnar.  Falleg hvít innrétting.  Plastborðplötur.         
Stofa með plastparketi á gólfi.  Gluggar til suðurs.  Góð svalahurð og gluggar í stofu.  Gengið út á yfirbyggðar svalir með flísum á gólfi.    
Herbergi (1) með plastparketi á gólfi.  Rúmgott.  Stórir skápar.     
Herbergi (2) með plastparketi á gólfi.  Góður skápur. 
Herbergi (3) með plastparketi á gólfi. 
Þvottahús: tengi fyrir þvottavél og þurrkara á baðherbergi, einnig er sameiginlegt þvottahús í kjallara. 
Lóð: sameiginleg lóð er við blokkina að sunnanverðu og að norðanverðu er aðkeyrsla að blokkinni sem og bílastæði.    
Geymsla:  Nett geymsla er í kjallara.  Þá er stór sameiginleg geymsla í sameign í kjallara.           
 
Kostnaður kaupanda:
1. Stimpilgjald af kaupsamningi - 0.8% af heildarfasteignamati.
2. Þinglýsingargjald af kaupsamningi, veðskuldabréfi, veðleyfi o.fl. kr 2.500 af skjali.
3. Lántökugjald lánastofnunar – Fer eftir lánastofnun hverju sinni.
4. Umsýslugjald til fasteignasölu, kr. 50.000 auk vsk.  sbr. kauptilboð. 
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.Fasteignakaupalög nr. 40/2002 leggja ríka skoðunarskyldu á kaupendur. Við brýnum því fyrir kaupendum að skoða fasteignir vel fyrir tilboðsgerð og leita sér viðeigandi aðstoðar sérfræðinga þegar ástæða þykir til.