Stjörnusteinar 23

Fasteignasalan Bær kynnir í einkasölu:  Stjörnusteinar 23, Stokkseyri, einbýlishús með frístandandi bílskúr og stórum garði. 
Forstofan er flísalögð og fataherbergi fyrir yfirhafnir við hlið hennar. Þá gangur og björt stofa og flísalögð borðstofa innaf henni og gengt þaðan í rúmgott eldhús.  Eldhúsinnréttingin er endurnýjað að hluta, nýleg Electrolux eldavél og uppþvottavél, einnig nýlegur vaskur og lagnir að honum. Eldri hluti innréttingarinnar nýlega málaður, flísar milli skápa þar. Búr með ágætu hilluplássi við borðkrókinn. Í húsinu er svefnherbergjagangur sem hægt er að loka. Þar eru þrjú ágæt svefnherbergi, hjónaherbergi með góðu skápaplássi, hin herbergin nettari og tvöfaldir skápar þar. Baðherbergi með eldra lagi, dúklagt gólf, baðkar með sturtu, glerþil á lömum á baðkersbrún. Handlaug í einfaldri innréttingu. Þvottahúsið er nýlega endurnýjað, þar er gólfhiti og flísar á gólfi og uppá miðja veggi, vinnuborð og hægt að hafa þurrkara í góðri vinnuhæð. Inntaksrými/geymsla við bakdyr úr þvottahúsi. Ofnakerfi er í húsinu utan þvottahúss og lagnir utanáliggjandi. Parket á gólfum stofu, eldhúss og gangs en plastparket á herbergjum, má muna fífil sinn fegri. 
Að utan er húsið klætt með liggjandi viðarklæðningu, gluggar og hurðir úr tré, bárujárn á þaki. Bílskúrinn er frístandandi og með fjarstýrðri innkeyrsluhurð og þriggja fasa rafmagni, bílaplanið malbikað. Gólf hans er steypt og lúga niður í kartöflugryfju útundir vegg. Hann hefur að mestu verið notaður sem textílvinnustofa um nokkurra ára skeið, en innaf henni er minna rými, upphaflega fjárhús en nú smíðastofa með bráðabyrgðagólfi, gluggar lúnir. Í garðinum er einnig kaldur geymsluskúr fyrir verkfæri og steinsteyptur heitur pottur og setuhorn í gróðurhúsgrunni sem búið er að klæða að hluta með skjólborðum. Töluvert af blóma- og trjágróðri í garðinum. 
Heilt yfir er þetta góð eign sem býður uppá ýmsa möguleika. 

Loftur Erlingsson löggiltur fasteignasali veitir allar nánri upplýsingar og sýnir eignina.
sími: 896 9565
t.póstur: [email protected]

Hafðu samband og bókaðu skoðun.

 Gjöld sem kaupandi þarf að standa straum að vegna kaupanna:
1. Stimpilgjöld af kaupsamningi - 0,8 % af heildarfasteignamati, (0,4% fyrstu kaup)  lögaðilar 1,6%
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2500 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu sbr. kauptilboð.