Fasteignasala Reykjavíkur og Dagbjartur Willardsson lgf. kynna Víkurhóp 8 Grindavík - Eignin er laus til afhendingar við kaupsamning.
 

Parhús á einni hæð, 160 m2 með innbyggðum bílskúr á góðum og vinsælum stað í Hópshverfi í Grindavík. Eignin skilast fullbúin að utan, spörtlun (3 umferðir) og grunnmálum lokið ásamt uppsettum hvítum innihurðum með góðri hljóðeinangrun, sólbekkjum, flísalögðu baðherbergi, flísalagðri forstofu og 45 m2 sólpalli. Á sólpalli er hægt að tengja heitan pott og er búið að leggja fyrir lagnir og frárennsli. Lóðin skilast grófjöfnuð en að framan er hún jarðvegsskipt og tilbúin fyrir lokafrágang. Bílskúr skilað með vandaðri bílskúrshurð ásamt opnara. Góð lofthæð í öllu húsinu. Í bílskúr er hægt að innrétta geymsluloft. Gólfhiti í öllu húsinu. Háir gólfsíðir gluggar í samverurými og út á sólpall. Efnisval í háum gæðaflokki, húsið er klætt með aluzink og síberíulerki. Gluggar eru viðargluggar með álklæðningu. Klæðning og gluggar úr viðhaldsfríum efnum. Eignin er skráð 160 m2, þar af er íbúðarrými 137,6 m2 og bílskúr 22,6 m2 með möguleika á að innrétta geymsluloft. Eignin skiptist í 4 svefnherbergi, forstofu, baðherbergi með tengingum fyrir þvottavél. Stórt hjónaherbergi með möguleika á stóru skápaplássi, stór barnaherbergi. Eldhús, stofa og borðstofa í opnu rými með mikilli birtu og aðgengi út á sólpall.

 
Skilalýsing – nánari lýsing: Húsi9 eru selt á rúmlega byggingarstigi 5 og nærri byggingarstigi 6, þ.e. að húsið eru afhent með flísalögn á baði og forstofu, innihurðum, sólbekkjum, stórum sólpalli og búið að spartla og grunnmála.

Utanhúss: Húsið er timburhús á steyptri plötu, reist úr timbureiningum, klætt að utan með aluzink og síberíulerki, sem hvort tveggja er viðhaldsfrítt. Þakið er timburþak með hefðbundnu þakjárni frá Stjörnublikk með litlum RAL 7011 (dökk grátt) sem er viðhaldsfrítt. Þakrennur og niðurföll af þaki eru úr áli og frágengin. Gluggar eru álklæddir trégluggar með tvöföldu einangrunargleri. Bílskúrshurð er með rafmagns hurðaopnara. Fullbúinn 45 m2 sólpallur með möguleika fyrir heitum potti. Lóð verður grófjöfnuð og jarðvegsskipt og tilbúin fyrir lokafrágang.

 Innanhúss: Innveggir eru úr timbri klæddir með gips og einangraðir með þilull. Veggir umhverfis bílskúr eru klæddir með tvöföldu gipsi og eldvarnarhurð úr bílskúr inn í íbúð. Veggir spartlaðir og grunnmálaðir en baðherbergi fullmálað. Loft skilast með gifsi spartlað og grunnmálað. Vinnuljós tengd hverju herbergi. Allar pípur fyrir raflagnir í loft og veggi komnar. Rafmagnsdósir komnar í alla veggi og loft. Allar pípur fyrir raf- og boðlagnir milli taflna og tengidósa eru ídregnar. Tenglar og rofar fylgja ekki. Rafmagnstafla frágengin og uppsett. Gólfhiti verður frágenginn með stýringum. Neysluvatnslagnir verða tengdar við stofninntak og frágengnar að tækjum. Öll inntaksgjöld fyrir vatn, heitt vatn, fráveitu og rafmagn verða greidd nema skipulagsgjald sem verður lagt á eftir að brunabótamat kemur á húsið og er það 0,3% af brunabótamati og greiðist af kaupanda. Öll gjöld varðandi gatnagerð greidd. 

Allar nánari upplýsingar veita Dagbjartur Willardsson síma 861-7507 eða [email protected] 

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,8% af heildarfasteignamati hjá einstaklingum. (Sé um fyrstu kaup að ræða er stimpilgjald af kaupsamningi 0,4%)
2. Stimpilgjald af kaupsamningi - 1,6% af heildarfasteignamati hjá lögaðilum.
3. Þinglýsingagjald af kaupsamningi, veðskuldabréfi, veðleyfi o.fl. 2.500 kr. af hverju skjali.
4. Lántökugjald lánastofnunar - sjá heimasíður lánastofnanna.
5. Umsýslugjald til fasteignasölu 69.900. kr. m.vsk.

Ég býð þér upp á frítt sölumat á þinni eign án skuldbindingar og veiti góða þjónustu.