Fasteignasalan TORG og Sigríður Rut kynna: Glæsilega 3ja herbergja íbúð með óhindruðu sjávarútsýni  í  álklæddu lyftuhúsi að Löngulínu 20-26, sem staðsett við sjávarsíðunna í Garðabæ.  Íbúð 107 er á fyrstu  hæð með stórri suðurverönd og norðursvölum. Skráð samtals 134,2 fm, þar með talið 10,2 fermetra sérgeymsla í sameign og sér bílastæði merkt. B-29
Íbúðin  skiptist í anddyri, sjónvarpshol, eldhús, stofu, borðstofu, 2 baðherbergi, þvottahús, hjónaherbergi með fataherbergi og  svefnherbergi, suðurverönd og norðursvalir fylgja íbúðinni.  Fallegar innréttingar frá Brúnás ,AEG eldhústæki og blöndunartæki frá Tengi. Forhitari er á neysluvatninu.  Frábær staðsetning  við sjávarsíðuna í Garðabæ og stutt í gott útivistarsvæði, sem og alla þjónustu.  
Allar nánari upplýsingar, skilalýsingu  og teikningu veitir  Sigríður Rut Stanleysdóttir löggiltur fasteignasali í gsm. 699-4610 eða  [email protected]
 
Forstofa: Með  góðum skápum sem ná uppí loft. Gott fjölskyldusjónvarpsherbergi er strax á hægri hönd þegar inn er gengið og hægt er að ganga út á suðursvalir 
Þvottahús: Með  innréttingu og flísar á gólfi.
Hjónaherbergi: Með fataherbergi innaf.
Tvö rúmgóð svefnherbergi: Bæði með góðum skápum sem ná uppí loft.
Baðherbergin bæði er með flísalögðu gólfi og veggjum, flísalögð sturta með glerhlið, falleg hvítsprautuð  innrétting, handklæðaofn og upphengt salerni.
Eldhús, stofa og borðstofa eru samliggjandi. Innfelld lýsing í lofti. Útgengt út á svalir ti norðurs. Glæslilegt óhindrað  sjávarútsýni. 
Eldhúsið er með  fallegri innréttingu frá Brúnás, mjög gott  skúffu- og skápapláss.  Eyja með helluborð og fallegri viftu yfir. Borðplötur eru með 30mm Kvarz stein eða stein borðplata  frá S.Helgasyni. Innfelld hljóðlát  uppþvottavél frá AEG fylgir með.

Geymsla og sérmerkt bílastæði merkt B 29 fylgir íbúðinni.
 Traustur byggingaraðili Byggingarfélag Gylfa og Gunnars hf.

Allar nánari upplýsingar, skilalýsingu  og teikningu veitir,  Sigríður Rut Stanleysdóttir löggiltur fasteignasali í gsm. 699-4610 eða  [email protected]
 

LANGALÍNA 20-22-24-26, SKILALÝSING 24.05.2016

1. Frágangur innanhúss

Gólfefni Íbúðin sjálf verður afhent án gólfefna, nema á baðherbergi og þvottahúsi verða flísar. Flísar verða 30x60 sm. á gólfum á baðherbergi og þvottahúsi. Flísar á veggjum á baðherbergi verða 30x60 sm. Flísar koma frá Birgisson ehf. 
Veggir: . Útveggir íbúðarinnar eru sandsparslaðir. Léttir innveggir eru hlaðnir úr vikur- eða gjallplötum, grófpússaðir og sandsparslaðir eða hefðbundnir gipsplötuveggir sparslaðir. Veggir eru grunnaðir og málaðir með tveimur yfirferðum af plastmálningu, gljástig 7 eða sambærilegt. 
Loft:  Steypt loft eru slípuð, sandspörsluð og fínúðuð. Loft eru grunnuð og máluð með tveimur yfirferðum af plastmálningu, gljástig 2 eða sambærilegt. Loft og veggir á baðherbergjum og þvottahúsum eru máluð með viðurkenndri votrýmismálningu þar sem við á.
 Gler:  Tvöfalt hefðbundið K-gler, verksmiðjugler er í öllum gluggum. Ábyrgð framleiðanda er samkvæmt skilmálum Samverk glerframleiðanda.
 Sólbekkir:  Sólbekkir frá Fanntófell eru úr harðplasti með ABS-laser kanti.
 Hurðir: Yfirfelld hurð EICS-30 inn í íbúðina og yfirfelldar innihurðir spónlagðar úr eik fylgja fullfrágengnar. Hurðirnar eru frá Parka og framleiddar í Þýskalandi.
 Fataskápar: Fataskápar (fataherbergi þar sem við á) eru í svefnherbergjum og forstofu. Innréttingar eru frá Brúnás ehf. og eru að innan úr ljósgráum plasthúðuðum spónaplötum, en sýnilegar hliðar og hurðir spónlagðar með eik.
 Eldhús: Eldhúsinnrétting frá Brúnás ehf. er að innan úr ljósgráum plasthúðuðum spónaplötum, en sýnilegar hliðar og hurðir eru spónlagðar með eik með hvítum efri skápum og með 30mm kvarsi eða stein borðplötum frá S.Helgasyni steinsmiðju, ásamt vaski og blöndunartækjum frá Tengi. Spónlögð plata úr eik verður á milli innréttinga sem nær upp í loft. Höldur í innréttingu verða kantaðar. Einnig fylgir AEG 6000w glerhelluborð, 3000w ofn með blæstri, 900w örbylgjuofn, hljóðlát uppþvottavél 44db alklæðanleg ásamt gufugleypi með kolasíu frá Bræðrunum Ormsson ehf.
 Baðherbergi: Á baðherbergi er gólf flísalagt og verða veggir flísalagðir upp í loft. Innréttingar eru að innan úr ljósgráum plasthúðuðum spónaplötum, en sýnilegar hliðar og hurðir sprautulakkaðar hvítar. Á baðherbergi verða speglaskápar og borðplata úr gegnheilu harðplasti. Höldur í innréttingu verða kantaðar. Handlaug í innréttingu, handklæðaofn, upphengt og innbyggt salerni með hæglokandi setu ásamt flísalögðum sturtubotni með sturtuhlið úr gleri verður á baðherbergi. Innbyggt blöndunartæki frá Tengi er í sturtu. Hitastýrt blöndunartæki frá Tengi er við handlaug.
 Þvottahús: Í þvottahúsi er gólf flísalagt og innréttingar frá Brúnás ehf. úr ljósgráum plasthúðuðum spónaplötum með ræstivask og blöndunartæki á vegg eða borði. Niðurfall er í gólfi og tengingar fyrir þvottavél og þurrkara, gert er ráð fyrir barkalausum þurrkara.
 Sérgeymsla: Steypt loft, veggir og gólf í sérgeymslum eru hreinsuð og máluð. Skilveggir á milli geymslna eru með timburgrind og málaðri plötuklæðningu. Sérgeymslur eru án innréttinga með hvítmálaðri yfirfelldri hurð þar sem við á. Rafmagnstengill er í sérgeymslu.

 Timburverandir Timburverandir fylgja íbúðum á jarðhæð þar sem við á. Borin verður ein umferð af pallaolíu í ljósum lit.
 Hitakerfi: Íbúðirnar eru upphitaðar með gólfhita en sameign með ofnakerfi skv. teikningum. Gólfhita- sem og ofnakerfi í sameign fylgir frágengið og verða hitastýrðir lokar á því.
 Loftræsi-, vatns- og þrifalagnir: Loftræsi-, vatns, - og þrifalagnir fylgja frágengnar skv. teikningum. Forhitari er á heitu neysluvatni.
 Rafmagns- og sjónvarpslagnir

Rafmagns- og sjónvarpslögn fylgir frágengin með einum mynddyrasíma í íbúð. Loftnetstengill er íalrými ásamt tölvutengli. Tölvutenglar verða í herbergjum. Ljósleiðari verður í húsinu. Dimmar verða á innfelldum ljósum.

Hönnuðir Arkitektar: Guðmundur Gunnlaugsson og Gunnar Páll Kristinsson,Rýma arkitektar.

Verkfræðihönnun: VEKTOR - hönnun & ráðgjöf
Raflagnahönnun: Helgi Kr. Eiríksson, Lúmex
Lóðahönnun: Inga Rut Gylfadóttir, Forma ehf.

Byggingaraðili  Byggingarfélag Gylfa og Gunnars hf., www.bygg.is

Afhendingartími

Íbúðir í Löngulínu 20-26 verð afhentar í tvennu lagi:
Langalína 24-26: September 2016
Langalína 20-22: Desember 2016
Sameign að utan og lóð verða afhent sumarið 2017. Bílgeymsla verður afhent vorið 2017.
 Allar breytingar á íbúðinni sjálfri og einstaka hluta í henni að ósk kaupanda geta haft áhrif á afhendingartíma til seinkunnar.
 

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af fasteignamati (eða 0,4% við fyrstu-kaup kaupanda) eða  1.6% fyrir lögaðila.
2. Þinglýsingagjald af hverju skjali kr. 2.000,-
3. Lántökugjald lánastofnunar - almennt um 1,0% af höfuðstól skuldabréfs.
4. Umsýsluþóknun til fasteignasölu samkv. samningi