Fasteignamiðlun Vesturlands ehf kynnir

SÓLMUNDARHÖFÐI 7   FASTVEST.IS

Heimasíða með myndum og nánari upplýsingum, smellið hér: SH7.is 

Almennt um húsið

Um er að ræða 31 íbúða fjölbýlishús að Sólmundarhöfða 7, Akranesi. Húsið er 8 hæðir auk jarðhæðar. 

Húsið stendur á einstökum útsýnisstað við enda Langasands og er glæsilegt útsýni úr öllum íbúðum. 

Við húsið er gert ráð fyrir 27 bílastæðum og 20 bílastæðum í bílageymslu. Húsið er staðsteypt, einangrað að utan og klætt með áli, timbri og steiningu. 

Frágangur íbúða

Léttir milliveggir eru klæddir með tvennu lagi af gifsplötum á grind. Veggir og loft verða spörtluð, grunnuð og máluð með tveimur yfirferðum af plastmálningu. 

Íbúðir verða afhentar án gólfefna nema á baðherbergi og í þvottahúsi en þar verða flísar.

Innihurðir eru spónlagðar eikarhurðir. Innréttingar í eldhúsi og baðherbergi, auk fataskápa í herbergjum og forstofu eru úr spónlagðri eik. 

Sólbekkir eru plastlagðir í hvítum lit. Borðplötur í eldhúsi, þvottahúsi og á baðherbergi eru einnig plastlagðar í ljósum lit. Slökkvitæki verður í hverri íbúð.

Eldhús:

Eldhúsinnrétting verður spónlögð eik með hvítu innvolsi og plastlagðri borðplötu í ljósum lit, ásamt vaski og blöndunartækjum. 

Helluborð, blástursofn og gufugleypir eru úr stáli. Tengi verður fyrir uppþvottavél í innréttingu. Heimilistæki eru frá AEG. 

Baðherbergi:

Baðinnrétting verður spónlögð eik með hvítu innvolsi og verður spegill fyrir ofan og lýsing. Hreinlætistæki og handklæðaofn eru stállituð. Salernið er upphengt og innbyggt. Hitastýrð blöndunartæki verða við baðkar og/eða sturtu, eftir því sem við á. Gólf eru flísalögð og hluti veggja í u.þ.b. 2 metra hæð. Öll tæki eru frá TENGI.

Þvottahús:

Gólf er flísalagt í þvottahúsi. Borðplata með stálvaski og blöndunartæki.

Ofnakerfi:

Sameiginlegt ofnakerfi er í öllu húsinu og verður því skilað fullbúnu samkvæmt teikningu. Gólfhiti er á baðherbergjum.

Rafmagn:

Rafmagns- og loftnetskerfi verður fullfrágengið samkvæmt teikningu. Litur tengla og rofa verður hvítur og verða þeir af viðurkenndri gerð. Reykskynjari verður í hverri íbúð.

Frágangur sameignar

Anddyri er lokað og er það flísalagt með uppsettum póstkössum. Stigar og stigapallar eru teppalagðir og með handriðum. Allar útidyrahurðir frágengnar.

Sameign er upphituð með ofnakerfi. Raflagnir í sameign eru fullbúnar með ljósakúplum, sbr. teikningar. Ljós eru frágengin á svalagöngum og utanhúss.

Loftræstilagnir eru lagðar skv. teikningu.

Tvær lyftur eru í húsinu skv. teikningum og reglugerð.

Frágangur utanhúss

Útveggir eru staðsteyptir og einangraðir að utan og klæddir með álklæðningu, timbri inni á svölum og steiningu á bílageymslu. 

Svalahandrið verða úr gleri. Gluggar eru úr timbri með álklæðningu að utan, en allir gluggar í sameign eru úr áli.

Þak er einangrað og klætt með þakdúk. Ofan á þak er sett möl skv. teikningum arkitekts.

Svalir í sameign eru opnar með steyptum handriðum. Svalagólf eru pússuð og frágengin. Svalir íbúða skilast opnar með glerhandriði.

Gluggar og hurðir í bílakjallara, anddyri, lyftuhúsi og stigagöngum eru úr áli að innan og utan.  

Gluggar og svalahurðir eru úr álklæddu timbri skv. teikningum arkitekts.

Lóðin er tilbúin samkvæmt leiðbeinandi teikningum landslagsarkitekts.

Bílageymslan er með stæði fyrir 20 bíla. Bílageymslan er með læstu aðgengi, sjálfvirkum opnunarbúnaði og fylgir fjarstýring með. 

Á lóðinni er gert ráð fyrir 27 bílastæðum.

 Allar upplýsingar í söluyfirlitinu eru fengnar hjá seljendum og úr opinberum gögnum.
Nánari uppl. veitir:

Soffía Sóley Magnúsdóttir
Löggiltur fasteigna- og skipasali, löggiltur leigumiðlari
Sími 431-4144  GSM 846-4144  email. [email protected]

Ragnheiður Rún Gísladóttir
Löggiltur fasteigna- og skipasali
sími 431-4144  GSM 861-4644  email [email protected]


Heimasíða  www. fastvest.is