Fáðu nánari upplýsingar og gerðu tilboð á sölusíðu eignarinnar.

Kaupstaður fasteignasala kynnir vel skipulagt og fallegt 196m2 einbýlishús í funkís stíl, teiknað af Kjartani Sveinssyni.
Húsið hefur verið mikið endurnýjað síðustu 2 ár. Undir hluta hússins er óskráð rými sem býður upp á ýmsa möguleika.

Eignin er skráð skv. Þjóðskrá Íslands alls 196,4 fm en auk þess eru sauna og um 70m2 óskráð rými undir húsinu(skert lofthæð)

Miklar endurbætur fóru fram á eigninni 2022-2023:
Dregið nýtt rafmagn og sett ný rafmagnstafla - Nýjar neysluvatnslagnir - Varmaskiptir - Nýtt skólp - Ný hitaveitugrind - Gólfhiti allstaðar nema í bílsskúr - Nýtt eldhús frá Innlifun - Ný gólfefni - Nýjar innihurðir - internet dregið í öll herbergi og stofu - "Auka" herbergi í kjallara, tappalagður stigi niður - Nýr dúkur á þaki um árið 2000.

Forstofa: Frá bílaplani er gengið inn í forstofu.
Gestasnyrting: Út frá forstofu er gestasnyrting með glugga. Gestasnyrtingin er tilbúin til að innrétta uppá nýtt.
Borðstofa/hol: Frá forstofu er gengið í mjög rúmgótt rými sem í dag er borðstofa. Rýmið er með aukna lofthæð og fallega þakglugga sem gefa skemmtilega birtu.
Eldhús: Algjörlega endunýjað með glæislegri innréttingu frá Innlifun. Vönduð heimilistæki og steyptar einingar á borðum. Innbyggð uppþvottavél, innbyggður ísskápur og tveir ofnar í vinnuhæð. Gert ráð fyrir amerískum ísskáp, niðurfall undir ísskáp.
Þvottahús: Út frá eldhúsi er gott þvottahús með innréttingu og plássi fyrir þvottavél og þurrkara. Þar er inngangur í húsið. Einnig er stigi niður í kjallara.
Geymslur: Út frá þvottahúsi er 1 minni geymsla(búr)
Stofur: Út frá eldhús/borðstofu eru tvær samliggjandi stofur. Önnur með fallegum arni með Drápuhlíðargrjóti. Hin er í dag notuð sem sjónvarpsstofa og þaðan er hægt að ganga út á verönd/garð til suðurs

Frá borðstofu/holi er gengið inn í svefnherbergja álmu hússins:
Hjónaherbergi: Bjart og gott hjónaherbergi með fataherbergi innaf. Úr hjónaherberginu er einnig úthengt á suður verönd/garð
Fataherbergi: Inn af hjónaherbergi er gott fataherbergi með skápum og glugga.
Baðherbergi: Út frá gangi er algjörlega endurnýjað baðherbergi, flísalagt í hólf og gólf með terrazzo flísum. “Labb-inn” sturta með innbyggðum blöndunartækjum. Bæði sturtuhaus og handsprauta. Upphengt salerni og góð innrétting.
Svefnherbergi I: Rúmgott með glugga til suðurs.
Svefnherbergi II: Bjart og gott herbergi með glugga til suðurs.
Svefnherbergi III: Við enda gangs og er í dag notað sem skrifstofa.
Óskráð rými á neðri hæð: Frá þvottahúsi er gengið niður nettan stiga til neðri hæðar. Þar eru ýmis rými ásamt gufubaði. Rýmin eru með mis mikla lofthæð. Frá ca 180cm til 220cm Þetta rými býður upp á marga skemmtilega möguleika

Bílskúr: 23m2 bílskúr stendur áfastur húsinu. Heitt og kalt vatn, hiti og tengi fyrir þvottavél.
Bílastæði: Fyrir framan bílskúr er bílastæði með snjóbræðslu.
Verönd/pallur: Til suðurs út frá húsinu er pallur. Þaðan er hægt að ganga áfram út í garð.
Lóð: Kringum húsið er stór gróin lóð með mikla möguleika

Frábært tækifæri til að eignast fallegt og mikið endurnýjað funkís einbýlishús eftir Kjartan Sveinsson

Fyrirvarar

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill seljandi því skora á væntanlega kaupendur að kynna sér vel ástand fasteignarinnar fyrir kauptilboðsgerð og leita til þar til bærra sérfræðinga um nánari skoðun.

Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.