Fáðu nánari upplýsingar og gerðu tilboð á sölusíðu eignarinnar.

Kaupstaður kynnir bjarta og fallega íbúð ásamt bílskúr á þessum eftirsóttum stað í Vesturbænum. Um er að ræða 3ja herbergja íbúð á 2.hæð ásamt stakstæðum endabílskúr í eftirtektaverðu fjölbýlishúsi sem er teiknað af arkitektunum Finni Björgvinssyni og Hilmari Þóri Björnsyni. Samtals er eignin skráð 115,1fm og þar af er bílskúrinn 25,2fm.

Frábær staðsetning þar sem stutt er í þjónustu, íþróttasvæði K.R og fallegar gönguleiðir við Ægissíðuna.

Nánari lýsing: forstofa komið er inn í opið rými með parketi á gólfi og góðum fatahengjum.

Stofa: er björt og falleg með ljósu parketi á gólfi. Útgengt er á góðar suðursvalir frá stofunni.

Eldhús: falleg sprautulökkuð innrétting með gráum borðplötum og flísum á milli efri og neðri skápa. Nýlegt spansuðuhelluborð og bakaraofn. Stálháfur yfir. Tengi er fyrir uppþvottavél og parket á gólfi. Stál vaskur og nýleg blöndunartæki.

Svefnherbergi l: rúmgott með góðum fataskáp og ljósu parketi á gólfi.

Svefnherbergi ll: rúmgott með nýjum fataskáp með lýsingu og parket á gólfi.

Baðherbergi: er flísalagt í hólf og gólf með baðkari með sturtuaðstöðu. Innrétting er við vask með halogenlýsingu og handklæðaofn. Nýleg blöndunartæki í baði og vask frá Hansgrohe.

Þvottaherbergi: á gangi fyrir framan íbúð er sameiginlegt þvottahús með einni annarri íbúð og hver með sína vél og þurrkara.

Geymsla: í sameign er sér geymsla með hillum sem fylgja með.

Bílskúr: skráður 25,2 fm með rafmagnshurðaopnara, heitu og köldu vatni og góðu geymslulofti.

Búið er að setja upp fjórar rafhleðslustöðvar á bílastæðum hússins (lagt fyrir sex og því auðvelt að fjölga).

Samkvæmt seljanda:

Árið 2023 - viðgerðir á sameignargluggum í stigagangöngum Grandavegs 1 og 3.

Árið 2022 - var skipt um gler og ytri-gluggalista á báðum svefnherbergjum.

Árið 2021 - allir rafmagnstenglar og rofar í íbúðinni endurnýjaðir með Berker S/B rofalínu frá Johan Rönning.

Athugið. Búið er að samþykkja viðhaldsframkvæmdir á utanverðu húsinu sem hefjast nú í sumar. Meðal annars verða endurnýjaðir yfirborðsfletir á þaki þ.m.t. þakjár og húsið málað. Búið er að samþykkja bindandi verksamning við framkvæmdaaðila með milligöngu verkfræðistofu sem einnig mun annast eftirlit með framkvæmdum. Hlutur íbúðar í samþykktum framkvæmdakostnaði er greiddur af seljanda.

Fyrirvarar

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill seljandi því skora á væntanlega kaupendur að kynna sér vel ástand fasteignarinnar fyrir kauptilboðsgerð og leita til þar til bærra sérfræðinga um nánari skoðun.

Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.