Langagerði 19

Eignamiðlun kynnir:

Stórt og töluvert mikið endurnýjað einbýlishús með bílskúr og aukaíbúð á góðum útsýnisstað við Langagerði í Reykjavík. Sólríkur suðurpallur, sólskáli og góðar útsýnissvalir. Mjög gróin og falleg lóð. Húsið er tilvalið fyrir stóra fjölskyldu með sex rúmgóðum svefnherbergjum auk íbúðar. Möguleiki á leigutekjum af góðri tveggja herbergja íbúð á jarðhæð sem er á sér fastanúmeri. 

**Sækja söluyfirlit**

Nánari lýsing:
Efri hæð
Forstofa: Mjög rúmgóð með stórum skápum, flísum á gólfi og gólfhita.
Gestasnyrting: Inn af forstofu er falleg gestasnyrting sem flísalögð er í hólf og gólf með upphengdu salerni, handlaug og lítilli innréttingu. Góður gluggi.
Stofa/borðstofa: Úr forstofu er gengið inn í stórar stofur með miklu útsýni m.a. yfir Esjuna og útgengi á svalir. Fallegt parket er á gólfum efri hæðar og innfeld lýsing í loftum.
Eldhús: Var hannað og endurnýjað 2013 af Hönnu Stínu innanhússarkitekt. Fallegar hvítar/ljósar innréttingar með eyju og ofn í vinnuhæð. 
Sjónvarpshol: Út frá stofu er mjög rúmgott sjónvarpshol með góðum gluggum. Auðveldlega er hægt að breyta þessu rými í herbergi.
Hjónaherbergi: Rúmgott með parketi á gólfum, góðu skápaplássi og útgengi á svalir.
Baðherbergi: Flísalagt í hólf og gólf með sturtu, baðkari, upphengdu salerni, handklæðaofni og innréttingu. Góðir gluggar. 
Barnaherbergi 1: Inni á svefnherbergisgangi. Mjög rúmgott með parketi á gólfi og skápum.
Barnaherbergi 2: Inn af eldhúsi. Rúmgott og er í dag nýtt sem skrifstofa.
Sólskáli: Innangengt er úr forstofu í stóran sólskála sem vísar til suðurs. Sólskáli hefur verið endurglerjaður og er viðarklæðning í lofti. Útgengi frá sólskála út á stóran suðurvísandi sólpall með skjólveggjum. 

Neðri hæð
Hol: Við rætur stigapallsins af efri hæðinni er rúmgott, parketlagt hol. Gengið úr því inn í önnur rými hæðar. Full lofthæð er á neðri hæð hússins og er hún ekki niðurgrafin.
Barnaherbergi 3: Mjög rúmgott með parketi á gólfi og góðum gluggum. 
Barnaherbergi 4: Mjög rúmgott með parketi á gólfi og góðum gluggum. 
Tómstundarými með saunu og baðherbergi: Árið 2006 voru rými á neðri hæð hússins grafin út. Í einu stóru rými má finna saunu, baðherbergi og niðurgrafið sundlaugarrými. Sundlaugin hefur ekki verið notuð sem slík undanfarin ár en til staðar er bæði krani og affall. Plássið er í dag nýtt undir borðtennisborð og aðrar tómstundir. Loftræsting er til staðar en einnig eru gluggar á þessu rými.
Geymslur/þvottahús: Mjög rúmgóðar geymslur og þvottahús. Loftræsting er til staðar.
Bílskúr: Innangengt er af neðri hæð inn í mjög rúmgóðan bílskúr með mikilli lofthæð. 

Aukaíbúð
Góð 55,1 fm tveggja herbergja íbúð er á jarðhæð. Íbúðin samanstendur af forstofu, stofu, eldhúsi, endurnýjuðu baðherbergi, svefnherbergi og geymslu. Íbúðin er á sér fastanúmeri og er með sérinngang af baklóð hússins. Ágætar leigutekjur eru af eigninni. 

Lóðin:
Lóðin er stór og mjög gróin með fallegum trjágróðri, stórum sólpalli og hellulögðum stígum. Einnig er eldra gróðurhús á baklóðinni sem hefur fengið viðhald á undanförnum árum. 

Framkvæmdir að sögn seljanda:
Járn og pappi á þaki endurnýjað 2013.
Dúkur á þaki bílskúrs endurnýjaður 2013.
Sólskáli endurglerjaður 2019.
Eldhús, forstofa, snyrting og gólfefni efri hæðar endurnýjuð 2013 eftir forskrift Hönnu Stínu innanhússarkitekts. Gólfhiti lagður í eldhús, forstofu og snyrtingu.
Nýlega hefur verið skipt um gler víða í húsinu.
Skólplagnir myndaðar og fóðraðar fyrir þremur árum. 

Nánari upplýsingar veitir:
Kjartan Hallgeirsson, löggiltur fasteignasali, sími: 824-9093 / [email protected]
Lilja Guðmundsdóttir. löggiltur fasteignasali, sími: 649-3868 / [email protected]
 

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook