Valhöll kynnir: Glæsilegt endaraðhús tveimur hæðum ásamt rislofti í Norðlingaholti í Reykjavík. Stór endalóð með fjórum bílastæðum og stórum suðvestur palli á jarðhæð. Fimm svefnherbergi. Baðherbergi á efri hæð og gestasalerni á jarðhæð. Sér þvottahús. Húsið var byggt 2016 og er álklætt og því viðhaldslétt.

Nánari upplýsingar veitir Óskar H. Bjarnasen fasteignasali / lögmaður í síma 691-1931 eða á netfanginu [email protected]

Skráð stærð eignar skv. fasteignayfirliti HMS er 175,5 fm, þar af er íbúð skráð 147,9 fm og bílskúr skráður 27,6 fm. 

Nánari lýsing:
Eignin skiptist á eftirfarandi hátt: Á neðri hæð er bílskúr, anddyri, gestasalerni, geymsla (einnig hægt að nota sem sem fimmta svefnherbergið), opið eldhús, borðstofa og stofa. Gengið er út á stóra viðarverönd til suðvesturs (c.a. 80 fm).
Á efri hæð hússins er rúmgott svefnherbergishol með góðri lofthæð, fjögur stór svefnherbergi og eru tvö þeirra með útgengi út á suður svalir. Á efri hæð er einnig stórt baðherbergi ásamt þvottahúsi.
Ris er yfir stórum hluta efri hæðar sem nýta má sem geymslu eða jafnvel hobbý-rými (c.a. 20 fm. að gólffleti).

Nánari lýsing neðri hæðar:
Forstofa með góðum skápum.
Geymsla/forstofuherbergi er á hægri hönd þegar komið er inn af forstofu. Rýmið er með glugga og opnanlegu fagi. Herbergið er 8,1 fm en nær undir tröppur upp á efri hæð eignarinnar er gólfflötur því stærri.
Gestasalerni er á vinstri hönd og er það flísalagt í hólf og gólf með fallegum flísum. Upphengt salerni, skápur undir handlaug og spegill með þar fyrir ofan.
Stofa og borðstofa eru saman í opnu rými og tengjast eldhúsi. Bjart rými með gluggar á tvo vegu.
Eldhús er með fallegri innréttingu og eldunareyju. Steinn á borðum og span helluborð. Gott skápapláss.
Útgengi er út á stóran sólríkan pall. Lagnir eru til staðar fyrir heitan pott.
Bílskúr er rúmgóður eða 27,6 fm. með inngangshurð og glugga. Rafmagnshurðaopnari er á bílskúrhurð. Skolvaskur.

Nánari lýsing efri hæðar:
Svefnherbergishol er með góðri lofthæð og innfelldri lýsingu.
Svefnherbergin eru fjögur, öll rúmgóð. Tvö snúa til norðurs. Hin tvö snúa til suðurs og eru með innfellda lýsingu og útgengi út á sv-svalir. Góðir fataskápar eru í öllum herbergjum.
Baðherbergi er með glugga, flísalagt í hólf og gólf með fallegum flísum. Falleg innrétting með góðu skápaplássi. Handklæðaofn og upphengt salerni. Innfelld lýsing. Sturta með sturtugleri, innbyggð blöndunartæki í sturtu. Gólfhiti.
Þvottahús er flísalagt með góðri innréttingu. Vinnuborð og vaskur. 
Ris er óskrað, aðgengilegt frá svefnherbergisgangi með góðum útdraganlegum stiga. Rýmið er í dag hrátt og nýtist vel sem stór geymsla en fordæmi eru fyrir því í húsalengjunni að innrétta þar hobbý-rými.

Gólfefni: Físar eru í forstofu, hluta af alrými ásamt eldhúsi. Flísar eru einnig á baðherbergi, gestasalerni sem og þvottahúsi. Stigi er teppalagður. Gólf annarra rýma eru flotuð og máluð.

Lóðin er stór endalóð. Góður grasflötur er á lóð til hliðar við húsið. Bílastæðin á lóð eru alls fjögur. Tvö þeirra staðsett fyrir framan húsið, hellulögð. Hiti er í stétt að mestu. Tvö stæðanna eru þar til hliðar eru malarstæði. Sorpgeymsla er steypt og rúmar þrjár tunnur. Stór afgrit suð-vestur timburverönd. Lagnir eru fyrir heitan pottur.

Norðlingaholtið er mjög vinsælt hverfi og er leikskóli og grunnskóli í nálægð við húsið. Góðir hjóla- og göngustígar eru um hverfið og inn í Heiðmörk og að Rauðavatni. Íþróttafélagið Fylkir er með aðstöðu í göngufæri.

Nánari upplýsingar veitir:Óskar H. Bjarnasen fasteignasali / lögmaður í síma 691-1931 eða á netfanginu [email protected]

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valhöll fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.