Margrétarhagi 16 - Nýbygging
Glæsilega 3-4ra herbergja raðhúsaíbúð með bílskúr í byggingu í Hagahverfi - stærð 167,0 m²

Íbúðin selst fullbúin og til afhendingar í mars - apríl 2024.
**Myndir eru úr sambærilegri íbúð**

Íbúðin skiptist í forstofu, hol, eldhús og stofu í opnu rými, hjónaherbergi, tvö barnaherbergi, baðherbergi, snyrtingu, þvottahús, geymslu sem getur nýst sem svefnherbergi og bílskúr.
Sérsmíðaðar innréttingar og fataskápar, dökk brúnar (Gladstone Oak) og í þvottahúsi ljós innrétting. Kvartsteinn verður á bekkjum í eldhúsi og á baðherbergi.
Hljóðdempandi dúkur í öllum loftum nema bílskúr.
Vínyl parket og flísar á gólfum og epoxy í bílskúr.

Skilalýsing
Frágangur utanhúss
Húsið skilast fullbúið að utan. Burðarvirki hússins er steinsteypt, einangrað með steinull og klætt með álklæðningu, lóðrétt standandi kasettuklæðning.
Þak, þakplata er úr timbureiningum sem á er bræddur vatnsheldur asfaltdúkur, einangrað með steinull með vatnshalla og tveimur lögum af bræddum asfaltdúk.
Gluggar og útihurðir. Ál/tré glugga- og hurðakerfi í húsinu er frá Idealcombi í Danmörku. Gluggar eru hefðbundnir ál/trégluggar með tvöföldu einangrunargleri. Gluggar eru settir í eftirá. Gluggar og útihurðir eru álklæddir að utan í Svörtum lit og hvítir að innan.
Verönd er steypt með niðurfalli, útiljósum og rafmagnstenglum. Burðarvirki skjólveggja er steinsteypt. Skjólveggir verða múraðir og málaðir. Gert er ráð fyrir að kaupendur geti sett heitan pott á verönd (það verður ídráttarrör fyrir vatnslagnir, rafmagn, niðurfall).
Lóð verður þökulögð
Bílskúr, tvö steypt bílastæði eru fyrir framan hverja íbúð. Gert er ráð fyrir að hægt verði að koma fyrir hleðslustöð fyrir rafbíla inní bílskúr.
Frágangur innanhúss
Íbúðunum verður skilað með handslökkvitæki, reykskynjurum og lyfjaskáp.
Gólfin eru steypt með ísteyptri hitalögn. Vínil frá Target verður á alrýmum og flísar á baðherbergi og í þvottahús. Í bílskúr verður Epoxy á gólfum frá Mallland
Veggir. Innveggir úr steinsteypu þar sem burður fyrir þakið er. Gipsveggir eru inná milli og eru þeir einfalt gips + spónaplata . Veggir eru málaðir í ljósum lit.
Loft eru niðurtekin. Öll loft eru klædd með hljóðdempandi clipso dúk nema í bílskúr, þar er gips í loftum.
Innihurðir eru yfirfelldar, hvítsprautaðar með hefðbundnum hurðarkörmum. Hurðar eru læsanlegar og hurðarhúnar er úr Svört mötu áli eða sambærilegu.
Eldhús, Innrétting er plastlögð dökk brún (Gladstone Oak), frá TAK innréttingum. Innbyggður ísskápur og uppþvottavél fylgja með við sölu. Helluborð er span. Eldhúsinnréttingin er með mjúklokunarbúnaði og borðplötur eru úr ljósum kvartssteini.  
Baðherbergi, Gólf eru flísalögð og veggir eru flísalagðir í kringum sturturými, aðrir veggir eru málaðir. Innrétting er plastlögð dökk brún (Gladstone Oak), frá TAK innréttingum. Borðplata er úr ljósum kvartsteini. Blöndunar- og sturtutæki eru af viðurkenndri gerð, stállituð. Salerni eru vegghengd og með innbyggðum vatnskassa. Sturtugólf er einhalla með glervegg. Lýsing er í lofti.
Þvottaherbergi, Gólf eru flísalögð. Innrétting ljós plastlögð er sérsmíðuð af TAK innréttingum og með skolvask. Borðplata er grá plastlögð. Stæði er í innréttingu fyrir þvottavél og þurrkara. Lýsing er í lofti. 
Hreinlætis- og blöndunartæki eru frá Tengi, öll af viðurkenndri gerð.
Svefnherbergi, Vel skipulagðir fataskápar eru í svefnherbergjum sbr. innréttingateikningar. Fataskápar eru plastlagðir dökk brúnir (Gladstone Oak), smíðaðir af TAK innréttingum og með mjúklokunarbúnaði. 
Forstofa, skápar plastlagðir dökk brúnir (Gladstone Oak), verður í forstofu og við hlið hans verður spegill og borð með skúffum.
Geymsla er parketlögð og innréttuð með dökk brúnum plastlögðum fataskáp (Gladstone Oak), og getur því nýst sem svefnherbergi.
Rafkerfi. Rofar og tenglar (fyrir rafmagn, tölvu/síma og loftnet) eru settir upp í samræmi við raflagnateikningar. Lýsing er við innganga og dyrabjalla og póstlúga eru staðsett við aðalinngang.
Ljósleiðari. Inntak fyrir ljósleiðara verður í húsinu en eftir verður að tengja og ganga frá endabúnaði þjónustuveitu (Míla eða Tengir) sem kaupandi gengur sjálfur frá. 
Ljós. Íbúðunum er skilað með innfelldri lýsingu frá Rafkaup eða sambærilegum aðila. Ljós eru dimmanleg.
Loftræsti- hita- og neyslukerfi. Gólfhitakerfi er í húsunum. Neysluvatnskerfi er með millihitara. (Með því að hita upp kalt vatn með hitaveituvatni má halda kísil og öðrum steinefnum í lágmarki).
Bílastæði, stétt og verönd eru með snjóbræðslu sem er lokað kerfi með möguleika á innspýtingu.
Vélrænt loftskiptikerfi sér um að hita upp ferskt loft með útkastslofti. Rekstrakostnaður hitunar gæti lækkað og einnig minnkar ryk innandyra verulega með tilkomu þessa kerfis og heilnæmi andrúmslofts eykst. Útsog er tekið úr öllum rýmum hússins. Innloftsstútar eru í alrými, herbergi og á baði, útsog er í blautrýmum, baði, þvottahús, stofu.
Sorptunnuskýli með hurðum fyrir tvær tunnur fylgir hverri íbúð.

Kaupandi greiðir skipulagsgjald þegar þess verður krafist, (0,3% af brunabótamati viðkomandi eignar).

Byggingarverktaki: HeiðGuðByggir ehf

Eignin er í einkasölu.