EIGNIN ER SELD

Gimli fasteignasala kynnir: Björt og vel skipulögð 3ja herbergja íbúð á 3ju hæð, með suð-vestur svölum, á Völlunum í Hafnarfirði. Íbúðin er 84,3 fm og í henni eru tvö rúmgóð svefnherbergi með stórum skápum, eldhús og stofa sem mynda eina heild enda á milli í íbúðinni, sem gerir hana opna og bjarta. Baðherbergi með sturtu, anddyri með góðum skápum og geymsla, sem er innan íbúðar. Fallegt fjölbýli á 6 hæðum þar sem aðgengi að íbúðum er um svalaganga.
Nánari upplýsingar veitir Kristján Gíslason, Löggiltur fasteigna- og skipasali, í síma 691-4252 eða sendu fyrirspurn með tölvupósti til [email protected]

NÁNARI LÝSING:
Anddyri: Flísar á gólfi og hvítir fataskápar. Eldhús: Hvít innrétting með ljósbrúnum hurðum á efri skápum. Spanhelluborð, innbyggð uppþvottavél og ísskápur með frysti. Stofa og eldhús mynda eitt opið og fallegt rými, sem nær í gegnum íbúðina og gerir hana mjög bjarta. Úr stofu er gengt út á 7 fm svalir sem snúa í suðvestur. Töluvert útsýni er af svölunum og fyrir liggur leyfi til þess að setja upp svalalokun. Baðherbergi: Með sturtu, vegghengdu salerni, hvítri innréttingu, handklæðaofni og aðstöðu fyrir þvottavél og þurrkara. Gráar flísar á gólfi og drapplitar á veggjum. Hjónaherbergi: Stórir hvítir fataskápar og harðparket á gólfi. Barnaherbergi: Hvítur fataskápur og harðparket á gólfi. Geymsla: Er innan íbúðar.
Sameiginleg hjóla- og vagnageymsla er á fyrstu hæð. 
Eskivellir 11 er steinsteypt 39 íbúða fjöleigna hús á 6 hæðum. Í húsinu er eitt stiga/lyftuhús og aðgengi að íbúðum er um svalaganga. Aðgengi að stiga/lyftuhúsi er bæði frá götu norðanmegin en einnig að sunnanverðu og eru gönguleiðir að anddyri með snjóbræðslu. Búið er að setja upp bílahleðslustöðvar á bílaplani.
Húsið er vel staðsett innan hverfis svo stutt er í alla þjónustu innan hverfis og eru matvöruverslanir, leik- og grunnskóli ásamt líkamsræktarstöðvum í 5 mín göngufjarlægð. Þá er 2 mín labb á næstu strætóstoppistöð og stutt er í falleg útivistarsvæði sem og íþróttasvæði Hauka. 

Gimli er ein af elstu starfandi fasteignasölum landsins, stofnuð 1982 og fagnaði því 40 ára starfsafmæli á árinu 2022. Leiðarljós Gimli er heiðarleiki og traust. Gimli, gerir betur...

Um skoðunar- og aðgæsluskyldu kaupenda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Gimli fasteignasala bendir væntanlegum kaupendum á að kynna sér vel ástand eigna við skoðun og fyrir tilboðsgerð og að leita til sérfræðinga um nánari ástandsskoðun ef þörf er á. 
Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 
Gjöld sem kaupandi þarf að standa straum af vegna kaupanna:Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.Þinglýsingargjald hvers skjals er kr. 2.700,- .Lántökugjald lánastofnunar skv. gjaldskrá viðkomandi lánveitanda.Umsýsluþóknun fasteignasölu skv. gjaldskrá.Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.