Domusnova, Ingunn Björg lgf. og Vera lgf. kynna stórglæsilega 192,8 fm fimm herbergja þakíbúð sem er eina íbúðin á hæðinni. Eignin er með tveimur svölum, þar af eru aðrar mjög rúmgóðar þaksvalir með heitum potti. Eigninni fylgja tvö bílastæði í bílakjallara með rafhleðslustöð sem staðsett eru á besta stað, næst inngangi inn í húsið, 10,6 fm geymsla fylgir sem einnig er einstaklega vel staðsett á geymslugangi. Glæsilegt útsýni út á sundin blá og til fjalla.

Íbúðin er eina íbúðin á hæðinni og skiptist í anddyri fyrir utan inngang í íbúðina, forstofu, eldhús opið við stórt alrými /stofu / borðstofu, 4 svefnherbergi, sjónvarpsrými, 2 baðherbergi (annað inn af hjónasvítu), þvottahús. Útgengi á þaksvalir / svalir úr alrými. Fallegt eikarparket er á öllum rýmum nema votrýmum.

Nánari upplýsingar veita:
Ingunn Björg Sigurjónsdóttir löggiltur fasteignasali / s: 856 3566
Vera Sigurðardóttir löggiltur fasteignasali / s.866 1110 / [email protected]

Nánari lýsing:
ANDYRI: Teppalagt rými fyrir utan inngang í íbúðina.
FORSTOFA: Með góðum fataskápum.
ALRÝMI: Eldhús, stofa, borðstofa og sjónvarpshol er í stóru opnu rými. Í eldhúsi er falleg viðararinnrétting með mjög rúmgóðri eyju, Innbyggður ísskápur, innbyggð uppþvottavél, háfur yfir eyju og span helluborð. Ofn í vinnuhæð. Stofa/borðstofa með gluggum á þrjá vegu og glæsilegu útsýni. Útgegnt á tvennar svalir.
HJÓNASVÍTA: Mjög rúmgott og bjart herbergi með góðum fataskápum sem ná upp í loft. Gluggar á tvo vegu. Inn af herbergi er baðherbergi sem flísalagt er að hluta. Fín  innrétting, walk inn sturta með glerskilrúmi, handklæðaofn, vegghengt salerni.
SVEFNHERBERGI 2: Rúmgott og bjart með góðum fataskáp sem nær upp í loft.
SVEFNHERBERGI 3: Rúmgott og bjart með góðum fataskáp sem nær upp í loft.
SVEFNHERBERGI 4: Rúmgott og bjart með fallegum hornglugga. Góður fataskápur sem nær upp í loft. Möguleiki er á taka niður vegg á milli sjónvarpsrýmis og þessa herbergis og stækka sjónvarpsrýmið.
SJÓNVARPSRÝMI: Fyrir framan herbergi 4. 
BAÐHERBERGI 2: Baðherbergi er flísalagt að hluta. Góð innrétting, walk in sturta með glerskilrúmi og handklæðaofn. Vegghengt salerni.
ÞVOTTAHÚS: Þvottahús er með flísum á gólfi og uppdraganlegum snúrum.
SVALIR: Rúmgóðar þaksvalir með heitum potti og glæsilegu útsýni. Aðrar svalir eru út úr stofu með glæsilegu útsýni til sjávar og fjalla.
BÍLASTÆÐI: Tvö bílastæði fylgja íbúðinni í lokuðum bílakjallara. Búið er að setja upp rafhleðslustöð sem fylgir með eigninni. Staðsetning bílastæðanna er næst inngangi inn í húsið.
GEYMSLA: 10,6 fm geymsla er staðsett á besta stað á geymslugangi í sameign.

Lyklalaust aðgengi er í húsinu. Myndavélakerfi er í bílakjallara ásamt myndavélakerfi á aðal innkeyrsluhurð sem nemur bílnúmer eigenda. Lóðin er afar snyrtileg með hellulagðri stétt fyrir framan hús. Tyrfð baklóð með göngustígum og kvöldlýsingu.
Um er að ræða eftirsótta staðsetningu í góðu nýlegu fjölskylduhverfi í Vogabyggð í Reykjavík.
Verslun og þjónusta í næsta nágrenni ásamt frábærum hjóla- og gönguleiðum við Elliðaárvoginn. Mikil útivist allt í kring og fallegt umhverfi.



Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:

  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.