Fasteignamiðlun kynnir eignina Hlíðarvegur 44, 580 Siglufjörður, nánar tiltekið eign merkt 01-01, fastanúmer 213-0406 ásamt öllu því sem eigninni fylgir, þar með talið tilheyrandi lóðar og sameignarréttindi. Eignin Hlíðarvegur 44 er skráð sem hér segir hjá FMR: Eign 213-0406, birt stærð 90.2 fm.

Nánari upplýsingar veitir Arndís Erla Jónsdóttir Löggiltur fasteignasali, í síma 6907282, tölvupóstur [email protected].

Um er að ræða íbúð á neðri hæð í fjögra íbúða fjölbýlishúsi með stórum garði og frábæru útsýni. Þak eignarinnar var endurnýjað árið 2019. Íbúðin samanstendur af anddyri, eldhúsi, stofu/borðstofu, tveimur svefnherbergjum, fataherbergi, geymslu og þvottahúsi. Búið er að endurnýja stóran hluta hennar s.s. fljótandi parket í gegnum íbúðina fyrir utan votrými, rafmagn að hluta, vatnslagnir, baðherbergi og eldhús.
Gengið er inn í rúmgott anddyri með fatahengi og gráum flísum á gólfi. Þjalir eru á hluta af vegg. Þvottahús er inn af anddyri en gengið er niður tröppu á steinsteypt grá málað gólf. Þvottahúsið er rúmgott með góððu plássi fyrir þvottavél og þurrkara og þurrkplássi. Nýr gluggi er í þvottahúsi og búið að skipta um rafmagnstengi. Úr anddyri er gengið inn í hol með fataherbergi, tveimur svefnherbergjum og baðherbergi. Fataherbergið er gluggalaust rými sem er að litlum hluta undir stiga upp á efri hæð eignarinnar en undir stiganum er aflokuð geymsla. Svefnherbergin eru rúmgóð með plastparketi á gólfi og ágætis gluggarými. Baðherbergi er flísalagt með gráum flísum á gólfi, upphengdu klósetti með gráum flísum á kassa. Frístandandi sturtuklefi, vaskur og hvít innrétting. Eldhús er með gráum flísum á gólfi, hvítum neðri skápum og svörtum efri skápum og svartri borðplötu, vask, eldavél og ofni. Stofa og borðstofa liggja saman í stóru rými með góðu gluggaplássi og frábæru útsýni. 
Sameign eignarinnar er inn af þvottahúsi þar sem rafmagnstafla og stigi upp á efri hæðina er. Einnig er gengið inn að utan í sameignina. Stór garður er í sameigninni sem er grasivaxinn. 

Anddyri: er mjög rúmgott með gráum flísum á gólfi og þiljum á hluta á vegg. 
Eldhús: hefur verið tekið í gegn og er með L laga innréttingu með dökkri borðplötu. Neðri skápar eru hvítir en efri skápar eru svartir. Rúmgóð innrétting með vask, eldavél og ofni og plássi inn í innréttingu fyrir ísskáp. 
Svefnherbergi: eru tvö mjög rúmgóð með ljósu parketi á gólfi. 
Fataherbergi: er með hengi og ljósu parketi á gólfi. Geymsla er undir stiga inn í fataherbergi.  
Baðherbergi: hefur verið tekið í gegn og því nýjar vatnslagnir. Gráar flísar eru á gólfi og upp klósettkassa. Gólfhiti, upphengt klósett, frístandandi sturtuklefi og hvít innrétting með vask. Gluggi er á baðherberginu með opnanlegu fagi. 
Hol/gangur: er með ljósu parketi á gólfi og liggur um miðja íbúðina. Auka fatahengi er í aflokuðu rými inn af holi/gangi. 
Stofa/borðstofa: er opin inn í eldhús og er með ljósu parketi á gólfi. Gott gluggapláss er í stofu með frábáru útsýni og birtu sem flæðir um. 
Þvottahús: er mjög rúmgott hátt til lofts en gengið er niður tröppu á steinsteypt gólf sem málað er grátt. Inn af þvottahúsi er gengið inn í sameiginlega geymslu eignarinnar. Nýlegur gluggi er í þvottahúsi með opnanlegu fagi. 
Sameiginleg geymsla: er með steynsteyptu máluðu gólfi og sérútgang. Stigi er upp á efri hæð eignarinnar og inngangur inn í aðra íbúð á neðri hæð. 



Annað
- Skemmtilegt útsýni er úr íbúðinni
- Sumarið 2019 var þak endurnýjað.
- Eignin er mikið endurnýjuð, s.s gólfefni, innréttingar, hluti af gleri og gluggum o.fl. 
- Sér hitaveita og sér rafmagn