Kinnargata 52

Raðhúsin við Kinnargötu 44-80 eru staðsett í þremur botnlöngum í suðurhluta Urriðaholts upp við Elliðavatnsveg sem liggur frá Setbergshverfi í Hafnarfirði að Vífilstaðavatni. Hinum megin við Elliðavatnsveginn til hliðar við húsin er golfvöllurinn Urriðavöllur sem talinn er vera einn af betri golfvöllum landins. Frá húsunum er víðáttumikið útsýni til allra átta og stutt er í víðáttur Heiðmerkur.Um er að ræða umhverfisvæn og heilnæm hús sem eru sérsniðin að þörfum nútímafólks, bæði jölskyldufólks og fólks sem stundar útivist og hreyfingu. Húsin eru kjörin fyrir fólk sem vill njóta kosta þess að búa í návígi við fallega náttúru og eiga heilnæmt afdrep frá amstri hversdagsins í heimili sínu.Húsin eru byggð úr krosslímdum timbureiningum í samstarfi við Element ehf., sem framleiddar eru af KLH Massivholz í Austurríki unnar úr sjálfbærum evrópskum skógum. Einingarnar eru seldar undir vörumerkinu “KLH® - CLT Spruce Swan Eco”.Allt efnisval er valið með umhverfisáhrif í huga og uppbygging á öllum húsunum miðast við að notað séu efni sem þurfa lítið viðhald. Krosslímdar timbureiningar eru notaðar til uppbygginga á burðarvirki húsanna sem eru einangruð að utan og klædd með veðurþolinni, viðhaldslítilli klæðningu.Allar íbúðareiningar í verkefninu eru á tveimur hæðum með sérafnot að svæðum bæði að framan- og aftanverðu. Í hönnunarferli húsanna hefur verið hugað vel að innra skipulagi húsanna, náttúrulegri dagsbirtu, ómtíma innan rýma, loftgæðum og sýnilegu náttúrulegu efnisvali.Til að tryggja heildaryfirbragð allra húsa í verkefninu eru lóðir fullhannaðar og verður skilað til kaupenda fullfrágengnum með skjólveggjum, sólpöllum, hellulögnum og gróðri.Arkitektar verkefnisins eru Arkís arkitektar. ARKÍS er framsækin arkitektastofa á sviði byggingarlistar, hönnunar, skipulags og vistvænnar hönnunar. ARKÍS starfar eftir þeirri meginhugsun að öll hönnun mannvirkja snúist um að skapa umhverfi og aðstæður sem auka lífsgæði okkar. Þá skuldbindur ARKÍS sig til að stuðla að auknu vægi vistvænnar hönnunar. Aðalhönnuður verkefnisins er Arnar Þór Jónsson arkitekt.

Allar nánari upplýsingar gefur: Gunnar S. Jónsson löggiltur fasteignasali í síma 899-5856 eða [email protected]