Gimli fasteignasala kynnir: Bjarta og rúmgóða 3ja herbergja íbúð á 2. hæð í litlu fjölbýli með sérinngangi. Íbúðin er skráð 94,8 fm auk 6,6 fm geymslu, samtals 101,4 fm. Stórt og bjart alrými með gólfsíðum gluggum þar sem saman flæða eldhús, stofa og borðstofa með útgengt á sólríkar svalir. Merkt bílastæði fylgir eigninni.

Nánari upplýsingar veitir Guðmunda Björnsdóttir Stackhouse, löggiltur fasteigna- og skipasali, í síma 792-7576 eða með tölvupósti, [email protected]

Komið er inn í flísalagða forstofu með góðum tvöföldum skáp. Rúmgott herbergi er inn af forstofu með tvöföldum skáp og fallegu útsýni. Úr forstofu er komið inn í alrými með eldhúsi, stofu og borðstofu. Gott skápapláss er í eldhúsi, nýleg borðplata og uppgerð innrétting. Borðstofa/stofa er björt með gólfsíðum gluggum og útgengi á sólríkar svalir. Úr alrými er gengið inn í svefnherbergi með góðum skápum. Stórt og gott baðherbergi með baðkari, sturtu, góðri innréttingu og aðstöðu fyrir þvottavél og þurrkara. Mögulegt er að bæta við þriðja svefnherberginu í alrými.

Húsið er steinsteypt þriggja hæða fjölbýli með tveimur stigagöngum og tíu íbúðum, allar eru með sérinngangi. Á fyrstu hæð er sameign, vagna- og hjólageymsla auk sérgeymslu sem fylgir hverri íbúð. 

Alrými: Eldhús, stofa og borðstofa með beykiparketi, stórum gólfsíðum gluggum, útgengi á rúmgóðar svalir. Filmuð eldhúsinnrétting,  ný borðplata, vaskur, blöndunartæki. Nýtt helluborð, ofn og vifta. 
Herbergi I: Rúmgott, beykiparket, tvöfaldur skápur.
Herbergi II: Rúmgott, beykiparket, þrefaldur fataskápur.
Baðherbergi: Flísar á gólfi og veggjum, baðkar, góð innrétting með vaski, sturta, tengi fyrir þvottavél og þurrkara.
Forstofa: Flísalögð með tvöföldum skáp.
Geymsla: Góð 6,6fm geymsla er á fyrstu hæð.

Parket er nýlega pússað og lakkað auk þess sem skipt var um gólflista.

Nánari upplýsingar veitir Guðmunda Björnsdóttir Stackhouse, löggiltur fasteigna- og skipasali, í síma 792-7576 eða með tölvupósti, [email protected]

Gimli er ein af elstu starfandi fasteignasölum landsins, stofnuð 1982 og fagnar því 40 ára starfsafmæli á árinu 2022. Leiðarljós Gimli er heiðarleiki og traust. Gimli, gerir betur...

Um skoðunar- og aðgæsluskyldu kaupenda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Gimli fasteignasala bendir væntanlegum kaupendum á að kynna sér vel ástand eigna við skoðun og fyrir tilboðsgerð og að leita til sérfræðinga um nánari ástandsskoðun ef þörf er á. 
Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 
Gjöld sem kaupandi þarf að standa straum af vegna kaupanna: Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila. Þinglýsingargjald hvers skjals er kr. 2.500,- .Lántökugjald lánastofnunar skv. gjaldskrá viðkomandi lánveitanda. Umsýsluþóknun fasteignasölu skv. gjaldskrá. Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.