Bakkatún 20b

Bakkatún 20b Svalbarðseyri - Nýbygging

4ra herbergja parhúsaíbúð (norðurendi) með innbyggðum bílskúr við Bakkatún á Svalbarðseyri - stærð 140,3 m²
Eignin selst fullbúin og verður afhend í júní 2022.
Söluverð er bundið byggingarvísitölu, maí 2021, 153,7 stig

Eignin skiptist í forstofu, hol, eldhús og stofu í opnu rými, baðherbergi, þrjú svefnherbergi, þvottahús, geymslu og bílskúr.

Húsið er speglað parhús. Undirstöður og gólfplata steyptar. Þak er einhalla og einangrað milli sperra. Útveggir eru einangraðir í timburgrind .Veggur milli íbúða er steyptur. Húsinu er skilað fullfrágengnu með frágenginni lóð og bílaplani. Hæðarmunur milli íbúða er 50 cm.
 
Útveggir eru úr timbri sem og þak  Veggur milli íbúða er steyptur og einangraður annarsvegar en múraður/sparslaður hinsvegar.
Klæðning að utan er liggjandi stálklæðning og eða standandi / liggjandi harðviðarklæðning skv. 
Þak er einhalla með 5,5 gráðu halla. Þak er byggt upp með 45* 220 sperrum einangrað með 200mm þakull. Klætt er með tommu sex á sperrur síðan öndunnardúkur. Þakið er krosslektað með 34*45 og 34*70 lektum og klætt með svörtu stáli.  Loftun er skv teikningum. Þakkantar eru úr furu hvítmálaðir og rennur utanáliggjandi. 
Raflögn er fullfrágengin .Tengla og rofaefni hvítt plastefni. Útitengill undir þakskeggi, ídráttarrör fyrir bílahleðslu og heitan pott. Ljós komin í öll rými og ljós úti. Sjónvarpsloftnet- og símtenglar eru frágengnir. Tenglar eru fyrir uppþvottavél, þvottavél og þurrkara.
Gluggar og hurðir eru trégluggar málaðir af framleiðanda, hvítir. Gler er tvöfalt einangrunnargler, K-gler eða sambærilegt með sólstoppi.
Lóð er frágengin með þökulögn/sáningu. Bílastæði, stéttar og verandir eru steyptar með hitalögnum, ótengdum. Mótun lóðar verður framkvæmd í samstarfi við kaupanda sem setur fram leiðbeiningar um halla brekku og lóðrétt plan austan við hús. 
Húsnúmer uppsett á áberandi stað. Þrefalt sorptunnuskýli við hverja íbúð. Útikrani fyrir lóð.
 
Gólfefni: Í anddyri, baðherbergi og þvottahús koma ljósar flísar 60*60cm. Bílskúrsgólf er flísalagt með gráum bílskúrsflísum. Önnur gólf eru parketlögð með harðparketi. 
Léttir innveggir eru gifsveggir. Baðherbergi er klætt með fibo/cresbo plötum frá Þ.Þorgrímssyni eða sambærilegt í 240 cm hæð. Öll íbúðin nema baðherbergi er máluð í ljósum lit gljástig ca 10%. 
Loft íbúða er klætt á niðurtekna trégrind með gifsplötum eða samsvarandi. Loft eru spörtluð og máluð með plastmálningu, með gljástig um 2-6%. Loft í alrými eru ekki tekin niður.
Innihurðir eru hvítar með karmi (yfirfeldar). Hurð milli bílskúrs og íbúðar er B30.
Innréttingar eru hvítar sprautulakkaðar frá Ikea, borðplötur eru með gráum tóni. Í svefnherbergi og í anddyri koma fataskápar. Í eldhúsi er klætt með fibo/cresbo plötum milli bekkjarplötu og efriskápa.
Eldunartæki: Keramik helluborð með fjórum hellum, blástursofn og gufugleypir. Gerð tækja Siemens/AEG/Whirlpool eða sambærilegt. Uppþvottavél og ísskápur ekki innifalin.
Eldhús: Stáleldhúsvaskur með  einnar handar blöndunartæki. Tengimöguleiki við uppþvottavél. Í eldhúsi er loftun með rafmagnsviftu sem blæs út.
Þvottahús: Tengimöguleiki við þvottavél og þurrkara. Skolvaskur á vegg ásamt blöndunartækjum.
Baðherbergi: Vegghengt salerni. Handlaug, einnar handar krómuð blöndunartæki. Niðurfall í gólfi við sturtu með halla í gólfi að niðurfallsrennu með hitastýrðu blöndunartæki með sturtuhaus og handbrúsu. Sturta opin með glerskilvegg annarsvegar. Loftun með rafmagnsviftu sem blæs út.
Hitalögn, neysluvatn: Gólfhiti í öllum rýmum.  Lagnagrind frágengin, með mótorloka fyrir gólfhita og nema á vegg í rýmum fyrir gólfhita. Neisluvatnslagnir eru rör í rör kerfi. Tengimöguleikar fyrir heitan pott og snjóbræðslukerfi.
Fráveitu- og regnvatnslagnir: Frárennslis- og regnvatnslagnir komnar og tengdar við tæki og fulltengdar við götulagnir og brunna.  Brunnar frágengnir með lokum, rétt undir yfirborði. Þakniðurföll og rennur úr hvíti járni, þakrennur hvítar utanáliggjandi.

Byggingaraðili er JS Trésmíði ehf