Þrastarás 45, 221

Nýtt á skrá! Bókið skoðun hjá Heimi Hallgrímssyni lögg. fasteignasala / heimir@fastlind.is / 849-0672

Lind fasteignasala / Heimir Hallgrímsson lögg. fasteignasali kynnir afar fallegt, vel skipulagt og bjart 175,8 fermetra parhús á einni hæð með fjórum svefnherbergjum við Þrastarás 45 í Hafnarfirði. Eignin skiptist í 147,8 fermetra íbúðarrými og 27,9 fermetra innbyggðan bílskúr.

Komið er inn í falleg alrými frá forstofu sem skiptast í stóra stofu, borðstofu, eldhús og sjónvarpsrými. Eldhús opið inn í borðstofu og stofu. Mikil lofthæð og útgengi á afgirta verönd frá borðstofu. Fjögur góð svefnherbergi, tvö baðherbergi og þvottaherbergi. Gólfhiti er í öllu húsinu. Mikið geymslupláss er yfir hluta af þvottaherbergi og bílskúr þar sem lofthæð er sem mest.

Lóðin er virkilega falleg með hellulögðum stéttum með snjóbræðslu. Stórar afgirtar viðarverandir til suðurs og vesturs og tyrfðri baklóð.  Hellulögð bílastæði fyrir framan hús. Vandaðir gluggar og útihurðar úr mahóný. Innfelld lýsing í þakkanti.
 
Nánari lýsing:
Forstofa: Með flísum á gólfi og skápum. Aukin lofthæð og innfelld lýsing í loftum.
Svefnherbergi I: Er staðsett við forstofu. Parket á gólfi, gluggi til suðurs og aukin lofthæð.
Alrými: Er rúmgott sem skiptist í stofu, eldhús, borðstofu og sjónvarpsstofu. Aukin lofthæð.
Stofa: Með parketi á gólfi og gluggum til vesturs. Aukin lofthæð og innfelld lýsing í loftum.
Borðstofa: Með parketi gólfi og gluggum til vesturs. Aukin lofthæð og innfelld lýsing í loftum. Útgengi á verönd til vesturs og suðurs.
Verönd: Er stór og afgirt að hluta. Teygir sig sunnan og vestan megin við húsið.
Eldhús: Með flísum á gólfi og fallegri viðar eldhúsinnréttingu. Stæði fyrir amerískan kæliskáp, Siemens uppþvottavél, Siemens bakaraofn, Siemens örbylgjuofn/bakaraofn og Siemens spansuðu helluborð. Gluggi til suðurs, flísar á milli skápa og lýsingu undir efri skápum.
Sjónvarpsherbergi: Með parketi á gólfi, aukinni lofthæð og innfelldri lýsingu í loftum.
Baðherbergi I: Með flísum á gólfi og veggjum. Flísalögð sturta með glerþili, upphengt salerni, innrétting við vask, útloftun og innfelld lýsing í loftum.
Hjónaherbergi: Með parketi á gólfi, gluggum til vesturs og norðurs, skápar og aukin lofthæð að hluta.
Svefnherbergi II: Með parketi á gólfi, skápum, glugga til norðurs og aukinni lofthæð að hluta.
Svefnherbergi III: Með parketi á gólfi, gluggum til norðurs og aukinni lofthæð að hluta.
Baðherbergi II: Flísar á gólfi og veggjum. Baðkar með innb. sturtutækjum. Innfelld lýsing í loftum og óbein lýsing við og undir baðkari. Handklæðaofn, góð innrétting og skápar við vask, upphengt salerni og þakgluggi.
Þvottaherbergi: Er rúmgott og með flísum á gólfi. Innrétting með góðu skápaplássi, hækkun undir þvottavél/þurrkara, vaskur, handklæðaofn og útloftun. Mikil lofthæð og gott geymsluloft.
Bílskúr: Með flísum á gólfi, vinnuborð, rafm. hurðaopnari á bílskúrshurð og gott geymsluloft að hluta.

Um er að ræða frábæra staðsetningu í fjölskylduvænu hverfi í Hafnarfirði þar sem útsýnis nýtur frá húsinu til suðurs. Fallegar göngu- og hjólastígar um hverfið.  

Allar nánari upplýsingar veitir Heimir Hallgrímsson lögg. fasteignasali í síma 849-0672 eða á netfanginu heimir@fastlind.is.