Norðurbrú 6, 210

Fasteignasalan TORG kynnir: Virkilega falleg og vel skipulögð tveggja herbergja íbúð á þriðju hæð með fallegu útsýni til sjávar við Norðurbrú 6. Eignin er skráð 67,2 fm og skiptist í eitt svefnherbergi, fataherbergi, baðherbergi, stofu, eldhús og geymslu í kjallara. Eigninni fylgir bílastæði í lokuðum bílakjallara. Lyfta er í húsinu. Allar nánari upplýsingar veitir Darri Örn Hilmarsson, löggiltur fasteignasali í síma 767-0000 eða í tölvupósti: darri@fstorg.is 

Nánari lýsing: Komið er inn í anddyri með innbyggðum fataskápum. Við tekur opið og bjart alrými þar sem gert er ráð fyrir stofu/borðstofu og eldhúsi. Frá stofuglugga er fallegt útsýni til sjávar. Gengið er frá stofu út á 5,3 fm svalir til vesturs með fallegu útsýni til sjávar. Eldhúsið er með fallegri viðarinnréttingu, bakaraofni, helluborði og veggháf. Flísar eru á gólfi og milli efri og neðri skápa. Svefnherbergið er rúmgott með innbyggðum fataskápum. Fataherbergi er inn af svefnherbergi. Baðherbergi með sturtu, upphengdu salerni og ágætis viðar innréttingu með handlaug. Gert er ráð fyrir þvottavél og þurrkara inn á baðherbergi. Í kjallaranum er 7 fm geymsla. Eigninni fylgir einnig bílastæði í lokuðum bílakjallara (merkt 308). Búið er að gera ráð fyrir hleðslustöð fyrir rafmagnsbíla. Snyrtilegur og skjólgóður garður með leiktækjum er bak við húsið sem nýtist einnig blokkunum í nágrenninu.

Um er að ræða einstaklega fallega og vel skipulagða eign í snyrtilegu fjölbýli með lyftu og bílakjallara í hinu vinsæla og rólega Sjálandshverfi í Garðabæ. Stutt er í skóla, leikskóla, náttúru og þjónustu í nágrenninu.

Gjöld sem kaupandi þarf að standa straum af vegna kaupa á fasteign:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: kaupsamningi, skuldabréfi, veðleyfi, afsali o.s.frv. er kr. 2.500 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. gjaldskrá.

Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.