Tjarnarbrú 18, 780

Tjarnarbrú 18, 1. hæð er falleg og björt íbúð í tvíbýli við næsta nágrenni við alla þjónustu á Höfn. Íbúðin er með nýjum gluggum og gleri. Nýlega var skipt um þak, þakkant og þakrennur. Sömuleiðis er nýtt parket á allri íbúðinni fyrir utan baðherbergið sem er flísalagt. Gott aðgengi er að húsinu og bílastæði fylgir íbúðinni. Íbúðin skiptist í hol og eldhús, baðherbergi, stofu og þrjú rúmgóð svefnherbergi.

Komið er inn í flísalagt anddyri (sameign), með sameiginlegt þvottahús á vinstri hönd og stiga upp á 2. hæð á hægri hönd. Undir stiganum er geymsla sem tilheyrir íbúðinni. Eldhúsinnréttingin er nýleg og stofan er björt og rúmgóð með hurð út á hellulagða verönd. Lóðin umhverfis húsið er frágengin með grasi og möl í bílastæði.

Eignaskiptayfirlýsing fyrir húseignina nr. 18 við Tjarnarbrú, dags. 13. maí 2017 liggur fyrir. Skv. eignaskiptayfirlýsingunni er neðri hæð hússins 47,24% af eigninni en efri hæð hússins 52,76% og fylgir bílskúrsréttur efri hæð hússins, auk þess sem risið tilheyrir efri hæðinni. 

Myndir