Laugavegur 114, 105

****Eignin er seld með fyrirvara ***
Ríkiskaup leita tilboða í eignahluta ríkisins við Laugaveg 114, 116, 118b og Rauðarárstíg 10, 105 Reykjavík, samtals um 8.200 m2 í hjarta miðbæjarins. Eign sem býður upp á mikla framtíðarmöguleika.

Tilboð sem berast í eignina verða tekin til skoðunar eftir kl.12:00 þriðjudaginn 29. ágúst 2023.
Boðið verður upp á tvær vettvangsferðir, mánudaginn 24. júlí n.k. og þriðjudaginn 22. ágúst n.k
Skráning í vettvangsferð fer fram með því að senda nafn eignar sem skoða á, fullt nafn skoðunaraðila, heiti fyrirtækis, netfang og símanr. á netfangið: fasteignir@rikiskaup.is.

Helstu upplýsingar og gögn má finna á heimasíðu Ríkiskaupa: Helstu upplýsingar um eign
Fyrirspurnir má senda á netfangið: fasteignir@rikiskaup.is.
Tilboðum er hægt að skila á heimasíðu Ríkiskaupa: Senda inn tilboð

Um er að ræða sex fastanúmer í framangreindum húsnúmerum sem skiptast skv. eftirfarandi:
Öll eignin að Laugavegi 114. Húsið er fimm hæðir og kjallari.

• fastanúmer 201-0359, samtals 2291,2 m2 - Allt húsið

Þrír matshlutar í eigninni að Laugavegi 116. Húsið er fjórar hæðir og kjallari. Eignahlutar sem um ræðir eru:

• matshluti 0201, fastanúmer 201-0369, samtals. 356 m2 - 2. hæð
• matshluti 0301, fastanúmer 201-0371, samtals. 768,2 m2 - 3. hæð
• matshluti 0401, fastanúmer 201-0372 samtals 773 m2 - 4. hæð

Tveir matshluta í eigninni að Rauðarárstíg 10 (sama hús og Laugavegur 118b). Húsið er fimm hæðir og kjallari. Um er að ræða kjallara, aðra, þriðju og fjórðu hæð ásamt rými á fimmtu hæð sem er loftræstirými. Að auki fylgja samtals 12 bílastæði í kjallara.

• matshluti 0201, fastanúmer 201-0362, samtals 1417,8 m2
• matshluti 0202, fastanúmer 201-0365, samtals 2565 m2

samtals 8.171 m2, ásamt öllu því sem eigninni fylgir, þar með talið tilheyrandi lóðar og sameignarréttindi. Lyfta er í hverju stigahúsi.

Tilboðsgjafar geta skilað inn tilboðum í alla eignina eða tiltekna hluta hennar. 

Samantekt um reitinn:

• Um 8.200 m2 fasteign í hjarta miðbæjarins sem býður upp á mikla framtíðarmöguleika
• Fasteignin er eitt af kennileitum Reykjavíkur og er staðsett á horni Laugavegar og Snorrabrautar
• Staðsetning er við Hlemm, miðpunkt fyrirhugaðrar Borgarlínu
• Fjölbreytt mannlíf, veitingastaðir, kaffihús og hótel í nágrenninu
• Við Hlemmtorg eru fyrirhugaðar spennandi breytingar sem auka notkunargildi svæðisins
• Fasteignin við Laugaveg 114-118b var teiknuð af Gunnlaugi Helgasyni arkitekt
• Bílastæðahús með 191 stæðum er í göngufæri
• Aðgangsstýrt bílastæði í bakgarði með 91 stæði
• Burðarvirki hússins samanstendur af steyptum bitum og súlum
• Lagnakerfi hússins þarfnast endurnýjunar samhliða breyttri notkun og uppbyggingu
• Tækifæri fyrir hugmyndaríka frumkvöðla að finna byggingunni nýtt og nútímalegt hlutverk

Bent er á að eigendahópur annarra matshluta, sem ekki eru hluti af sölu þessari, er fjölbreyttur.

Nýir lóðaleigusamningar fyrir fasteignir í reitnum var þinglýst nú ár, 2023.

Nánari upplýsingar er hægt að nálgast með því að senda fyrirspurn á fasteignir@rikiskaup.is

Seljandi þekkir ekki eignina umfram það sem fram kemur í opinberum gögnum. Vakin er athygli á því að starfsemi hafi ekki verið í hluta eignanna um nokkurt skeið. Því leggur seljandi ríka áherslu á að sérstakrar árvekni sé gætt við skoðun og úttekt á eigninni og veitir Ríkiskaup allan nauðsynlegan aðgang til þess. Tilboðsgjafar eru því hvattir til að framkvæma skoðun á eigninni eða einstökum hlutum hennar.
Ekki hefur farið fram ástandsskoðun á eigninni og selst eignin í því ástandi sem hún er við skoðun.

Tilboð skulu gilda í 3 vikur frá lokadegi til að skila inn tilboðum.
Seljandi áskilur sér rétt til að hafna öllum tilboðum. 

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.700 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.